اسلام آباد۔9اکتوبر (اے پی پی):وزیر ءِ درئی کار بلاول بھٹو زرداری ءَ جرمن وزیر ءِ درئی کار اینالینا بیئربوک ءِ داتگیں دعوت ءِ پدءَ 6 ءُ 7 اکتوبر 2022 ءَ جرمنی ءِ سرکاری تر ءُ تاب ءَ کت۔ درئی کارانی کارگس ءِ نیمگءَ جاڑی بوتگیں جار ءِ رد ءَ برلن ءَ وتی نندگ ءِ ساھت ءَ وزیر ءِ درئی کار ءَ وتی جرمن ھمکار ءَ گوں ڈلی تکی ءَ گند ءُ نند کت۔ دوئیں سروک آں دو نیمگی یکوئی ءِ توامیں تک آنی چار ءُ تپاسی ءُ یکجائی واھگ، دمگی ءُ میاں اوستمانی کار آنی ھوالگ ءَ ھیال ریچی کت۔ وزیر ءِ درئی کار بلاول بھٹو زرداری ءَ پاکستان ءِ جرمنی ءِ گوما دوستی ءُ یکوئی ءِ کوھنیں یکوئی آنی ارزشت ءِ سر ءَ زور پر دیان ءَ دو نیمگی کمک ھاسیں رنگ ءَ تجارت، سرمایہ کاری، وانگ ءُ زانگ ءُ ھاٹیگ ءِ شوبگ آنی تہءَ شریکداری ءَ را گیش مھکم کنگ ءِ کوشست ءِ درشان کت۔ وزیر ء، درئی کار ءَ سیلاپ ءِ کمکی کوشست آنی ھوالگ ءَ جرمنی ءِ شگر ءُمنت واری گران ءَ گوشت کہ پاکستان ءَ آیوکیں سیلاپ ءَ چہ بوھوکیں تباھیگ ءَ موسمی مٹ ءُ بدلی ءُ وردن ءُ وراک ءِ رکھینگ وڑیں یکجائی جیڈھ آنی گر ءُ چیل ءِ واستہ یکجائی ءَ کار کنگ ءِ ضلورت ءَ را سہرا کت۔
