اسلام آباد۔9اکتوبر (اے پی پی):نیشنل فلڈ ریسپانس اینڈ کوآرڈینیشن سینٹر(این ایف آر سی سی) ءِ رد ءَ پاکستان ءَ سیلاپ ءَ چہ آماچیں دمگ آنی تہءَ ھواریں رنگ ءَ 13115 کلومیٹر سڑک ءُ 436 پل آناں تاوان رستگ، درستاں چہ گیش آماچیں دمگ آنی تہ ءَ سندھ ءِ دمگ قنبر شہداد کوٹ، چیکب آباد ، لاڑکانہ، خیر پور، دادو، نوشہرو فیروز، ٹھٹھہ ءُ بدین وھدیکہ بلوچستان ءِ دمگ کوئٹہ، نصیرآباد،جعفر آباد،جھل مگسی،بولان،صحبت پور ءُ لسبیلہ ءَ ھوار خیبر پختونخوا ءِ دیر، سوات،چارسدہ،کوہستان، ٹانک ءُ ڈیرہ اسماعیل خان ءُ پنجاب ءَ ڈی جی خان ءُ راجن پور ءِ دمگ ھوار انت۔ آماچیں مردم آنی آسودگی ءِ واستہ آرمی ایوی ایشن ءِ ہیلی کاپٹر آں انوگ ءَ تاں 627 بالیگ آں بال کتگ ءُ 4659 مردم آناں محفوظیں جاہ آں شفٹ کتگ۔
