کوئٹہ۔9اکتوبر (اے پی پی):محکمہ صحت حکومت بلوچستان ءِ ترجمان ءَ سیلاپءَ چہ آماچیں دمگ آنی مردم آنی واستہ طبی کمک ءِ پجاری ءِ سرجمیں ھال تران جاڑی کنان ءَ گوشتگ کہ سیلاپ ءَ چہ توامیں آماچیں ضلع آنی تہ ءَ فلڈ ریلیف کیمپ جوڑ کنگ بوتگ ایش بیست ءُ چار کلاک آنی تہ ءَ جاڑی ءُ دزگٹ انت، ملیریا ءُ ڈینگی ءَ چہ رکھینگ ءِ واستہ تکنیکی بنیات آنی رد ءَ بی آر ایس پی ءُ انڈس ہسپتال محکمہ جان سلامتی ءَ چہ کمک کنگ ءَ انت۔ آماچیں دمگ آنی تہءَ ملیریا ءِ ھوالگ ءَ چار ءُ تپاسی گرگ بوھگ ءَ انت وھدیکہ ضلعی تک ءَ ڈسٹرکٹ ملیریا تاسک فورس ھم کار کنگ ءَ انت ءُ محکمہ جان سلامتی ءِ تکنیکی ٹیمب سک باز آماچیں ضلع آنی تہ ءَ ساڑی انت۔ ترجمان ءَ گوشت کہ ھر کجا سڑک است آھوادا موبائل ہیلتھ یونٹس آنی وسیلگ ءَ ملیریا ءِ سکریننگ ءُ علاج جاڑی انت۔ گلوبل فنڈ ءِکمک ءَ چہ 11 ضلع آنی تہ ءَ 1.3 ملین ایل ایل آئی این ایس بھر ءُ بانگ کنگ بوتگ ایشانی تہءَ ضلع جعفر آباد صحبت پور لسبیلہ ءُ نصیر آباد ھوار انت ، ملیریا اکسریننگ میڈیکل کیمپس آنی تہءَ انوگ ءَ تاں 15509 ملیریا مریض آنی علاج کنگ بوتگ۔
