اسلام آباد۔06مئی (اے پی پی) چیف جسٹس آف پاکستان میاں نثار ثاقب نثار ئَ بلوچستانئَ دگاں پراھ مزن کنگ ئِ ھاترئَ درچکانی گُھڈگ ئِ سرئَ نوٹس زُرتگ۔ چیف جسٹس ئَ اے نوٹس یک دزبندے ئِ سرئَ زرتگ کہ ایشی ئِ تہا گشگ بوتگ کہ پشین ئَ چہ یارو 10کلومیٹر لنک روڈ پراھ کنگ بوھگئَ اِنت کہ ایشیئِ سوبئَ دگئِ دونیمگئَ کمءُ گیش 2200درچکانی گھڈگ ئِ امکان اِنت اے درچکاناں رکھینگ بہ بیت بلے کس ھم سبزی ئِ رکھینگئِ دردئَ نہ دار ایت۔ اے راستیئَ بلوچستانئِ کوھی دمگانی ھاترئَ میراث اَنت۔ ایشیءَ چہ پیسر بلوچستانئِ حکومت سیکرٹری مواصلات انڈرورکس، سیکرٹری جنگلات، ڈائریکٹر جنرل ادارگ تحفظ ماحولیات ءُ ڈپٹی کمشنر پشین ئَ ھوار ھمگرنچیں محکمہئَ چہ رپورٹ لوٹ اِتگ۔ رپورٹئَ را دل سدکّی نہ بوھگئِ سرئَ چیف جسٹس آف پاکستان ئَ رجسٹرارکارگسئَ را پرمان داتگ کہ جیڑھئَ را وت نوٹس زورگئِ ردئَ آمید گسئَ آرگ بہ بیت۔
