ھزانگ وزیر اسحاق ڈارءِ گوماپاکستان ءِ تہ برطانیہ ءِ ہائی کمشنرکرسٹیان ٹرنر ءِ گند ءُ نند

اسلام آباد۔8اکتوبر  (اے پی پی):ھزانگ ءِ بنجاہی وزیر سینیٹرمحمداسحاق ڈارءِ گوما پاکستان ءِ تہ برطانیہ ءِ ہائی کمشنرکرسٹیان ٹرنرءَ ھپتگ ءَ ادا گند ءُ نند کرتگ۔گند ءُ نندءِ تہ دودیمی ھندوناکی معاملہانی سرا ھیال ریچی کنگ بوتگ۔ھزانگ وزیر ءَ گوشت کہ استیں حکومت ملک ءِ تہ برطانیہ ءِ ھوار درملکی زرکاری ءِ پراھی ءُ معیشت ءِ سوگو بنیاتاں دیمروئی ءِ ھاترا گامگیج ءَ زورگ انت۔آہاں گوشت کہ ملک ءِ تہ زرکاری ءُ بیئپارءِ ھاترا ساچ گارءِ ماحول ءِ پھجارگ حکومت ءِ اولی دلگوشی انت۔ھزانگ ءِ وزیر  پاکستان ءُبرطانیہ ءِ میان ءَ کوھنیں ءُ وشیں سیادی سرا روژنی مان کرتگ ءُ گوشت کہ پاکستان برطانیہ ءِ گوما وتی سیادی ءَ را شرپ ءَ چارگ انت۔ھزانگ وزیرءَ برطانیہ ءِ ہائی کمشنرءَ را انوگیں ھارءُ سیلاپ ءَ چہ بوتگیں تاوان ءِ باروا سرپد کتگ۔