اقوام متحدہ ءِ جنرل اسمبلی چہ انوگیں تباہ کن ھارءِ سبب ءَ پاکستان ءِ حکومت ءُ راج ءِ گوما یکوئی ءِ درشانءُ پلہ مرزی ءِ منئگ نامہ تپاکی ءَ گوں منظورکنگ بوتگ،دری کارانی کارگس

اسلام آباد۔8اکتوبر  (اے پی پی):اقوام متحدہ ءِجنرل اسمبلی ءَانوگیں تباہ کن ھارءِ سبب ءَ پاکستان حکومتءُ مہلوک ءَ گوں یکوئی ءِ درشان ءُ پلہ مرزی ءِ منئگ نامہ تپاکیں وڈءَ منظور کنگ بوتگ انت۔اقوام متحدہ ءِ جنرل اسمبلی ءَگوں تپاکی ءَ یک منئگ نامہ ءِ منظوری داتگ ایشی ءِ عنوان "پاکستان ءِحکومت ءُ مہلوک ءَگوں یکوئی ءُ پلہ مرزی ،ءُ انوگیں ھار ءِ سبب ءَ اناگتیں کمک ،بحالی،ری ہیبلی ٹیشن ءُ گرءُ دار ءَ را سوگو کنگ ات۔اے منئگ نامہ پاکستانءِ نیمگا چہ تجویز کنگ بوتگ ءُ  151  ملکانی نیمگا چہ کمک کنگ بوتگ۔ دگنیاءِ دراھیں دمگءَ چہ اقوام متحدہ ءِلہتیں باسک ملکاں پاکستانءِ تہ ھار ءِ اثرمندبوتگیں لکھیں کساس ءِ مردماں گوں یکوئی ءِ درشان کتگ۔دری کارانی کارگس ءِ نیمگا چہ جاڑی یک جارانک ءِ ردا منئگ نامہ پیش کنان ءَ اقوام متحدہ ءِ تہ پاکستان ءِ پکہ ءِ جھگیر سفیر منیر اکرمءَ اے گپءِ سرا روژنی مان کرتگ کہ پاکستان دگنیا ءِ درستاں چہ گیش چاگردی ھطرہ ءِ آماچیں یک ملک انت،بلے مئے کاربن جوڈ بوھگ میاں اوستمانی دگنیا ءِ یک درسد چہ ہم کم انت۔آہاں انوگیں ھار چہ انسانی جان ءَ را باز تاوان ءُ کوکا ءَ را رستگ ءِ تاوان بیان کنان ءَ گوشت کہ سرجمیں پاکستان راج ءُ حکومت ءَ اے آفت ءِ گوں دلیری ءَ مقابلہ کرتگ۔آہاں کمک کنوکیں دراھیں ملکاں،ادارگ ءُ مردمانی منت گپت ءُ اقوام متحدہ ءِ نیمگا چہ   فلیش اپیل، پی ڈی این  اے  ءُ لچک ءِ گوما ری ہیبلی ٹیشن ءِ منصوبگءِ تیاریءِ ھوالہ ھم داتگ۔ اے موہ سرا جنرل اسمبلی ءِ صدر ءَ پاکستان ءِ مہلوک ءِ گوما یکجہتی ءِ درشان کتگ ءُ یاد کنائنت کہ پاکستان ءِ تہ  "موسمیاتی تباہی”دیما آھگ انت، ایشی ءَ را آہاں باز مزنیں المیہ گوشت۔اقوام متحدہ ءِ سیکرٹری جنرل ءَ اسمبلیءَگوں تران کتگ۔آہاں وتی انوگیں پاکستان ءِ تروتاب ءِ حوالہ دیانءَ گوشت کہ پاکستانی مہلوک ءِ تباہی ءُ ہمت سرا روژنی مان کتگ۔اقوام متحدہ ءِ جنرل اسمبلی ءِ باسک ملکاں منئگ نامہ ءِ پلہ مرزی کنان ءَ وتی بیان ءِ تہ پاکستان ءِ حکومت ءُ مہلوک گوما یکجہتی ءِ درشان کرتگ، پاکستان ءِ کمک ءُ بحالی ءِ کوشستانی تہ کمک ءِ گپ جتگءُ بحالی ءِ تہ وتی کردبرجاہ ایر کنگ ءِ جزم ھم پدر کتگ۔جنرل  اسمبلی ءِ نیمگا چہ منظور کتگیں منئگ نامہ ءِ تہ کمکءُ بحالی ءِ کوشستانی تہ میاں اوستمانی براتریءِ کمک ءِ بھرزوری ءِ ھیرمقدم کرتگ۔