بلوچستان ءِ دراھیں شاھدگ ٹریفک ءِ آھگ روگ ءَ پہ پچ کنگ بوتگ ات وھدیکہ ہارءَ چہ آماچ  بوتگیں ددمگاں  پاکستان آرمی ءُ ایف سی بلوچستان، سول انتظامیہ ءِ ہمراہ ہارءِ آماچیں مردمانی ریلیف ء ُ  بحالی ءَ  دزگٹ

کوئٹہ۔8اکتوبر  (اے پی پی): بلوچستان ءِ دراھیں شاھدگ ٹریفک ءِ آھگ روگ ءَ پہ پچ کنگ بوتگ ات وھدیکہ ہارءَچہ  آماچ  بوتگیں دمگ کوہلو، سبی، قلات،جعفرآباد، نصیرآباد، صحبت پور ء ُجھل مگسی ءَ  13 ریلیف کیمپس اَست کہ آہودہ 13174 ہارءِ آماچیں مردماناں گراستگیں  ورگ، راشن ء ُ علاج ءِ آسراتی دئیگ بوہگءَ اِنت ہارءَ چہ آماچ  بوتگیں  دمگاں راشن ءِ پیکٹس ہیلی کاپٹرءِ وسیلگ ءَ  سرکنگ بوہگءَ اَنت۔  گوستگیں 24 کلاکانی تہا ہار ءِ آماچیں دمگ سبی،قلات،جعفرآباد، نصیرآباد، صحبت پور ء ُ جھل مگسی ءَ ہارءِ آماچیں  مردماناں  1468 راشن ءِ پیکٹ 238326 آپ ءِ بوتل، 12581 سیر وردنی سامان کہ آیانی تہا آرت،  روگن ، دھان، چاہ پتی ءُ شکر  ہوار اَنت وہدے  کہ 6269 سیر سامان کہ آیانی تہا گرمیں پوشاک، کمبل، تمبو، بشانگ، سابن ء ُ ہمک روچگیں  کارمرزی ءِ سامان  حکداریں مردمانی سرءَ بہرء ُ بانگ کنگ بوتگ۔ پاکستان آرمی ء ُ ایف سی بلوچستان ءِ نیمگءَچہ ہارءِ آماچیں مردمانی  کمک ءِ ھاترءَ  کوئٹہ ءَ 6 کلکشین پوائنٹس اَست۔ گوستگیں 24 کلاکانی تہا  پاکستان آرمی ، ایف سی  بلوچستان  ء ُ  پی ڈی ایم اے ءِ نیمگءَ چہ 25 میڈیکل کیمپ جوڑ کنگ بوتگ کہ آیانی تہا 4383 نادراہ آنی علاج کنگ بوتگ ء  ُ مفت درمان دیئگ بوتگ۔