مزن وزیر ئِ میٹرو بس ئِ منصوبہ ئِ بن اِشت ایر کنگئِ موھئَ صحافی آنی گوما گپ ءُ تران

اسلام آباد۔ 06مئی ( اے پی پی) مزن وزیر محمد نواز شریف ئَ گشتگ کہ منصوبہ ئِ جوانی ئِ ھوالگئَ ھچ وڑیں منءُ گر نہ کن اَنت، مئے منصوبہ آناں ایر جنوکاناں اللہ وت سرپد بہ کنت، مہ وھد ئِ سرئَ منصوبہ سرجم کتگ اَنت کہ گوستئَ ایشانی سرئَ دیر کنگ بوتگ ، نزاناں مئے سسٹمءُ محکمہ جاتئَ را چے بوتگ کہ دوسالئَ سرجم بوھوکیں منصوبہ آنی 20‘ 20 سال لگ ایت ،یک پرمڈاھیں ملکئِ ھاترئَ انفراسٹرکچر ھوار دگہ منصوبہ المی اَنت، ھمے وڑئَ ملک دیمروئی کنت، مردماناں کہ آسراتی رسیت آ شہر ئَ نیا اَنت، منصوبہ آنی تہا لُچیءُ ٹگیءُ الب ورگی ئِ سکینڈل ئَ ھوار مردم وتی آسرئَ سر بنت۔ شمبےئِ روچئَ نیواسلام آباد بالی پڑئَ تاں میٹروبس منصوبہ ئِ بُن اِشت ایر کنگئِ موھئَ صحافی آں گوں تران کنانئَ مزن وزیر محمد نواز شریف ئَ گشتگ کہ اسلام آباد ئَ تاں نوکین اسلام آباد بالی پڑ ئَ نوکیں ہائی وے جوڈ بوھگئَ اِنت کہ ایشی ئِ سرئَ میٹرو بس ھل ایت۔