وزیرداخلہ نا سائبر سیکورٹی نا بابت بڑزکو واکداری وزارتی کمیٹی ءِ اِراہفتہ ٹی کاریم ءِ پورو کننگ نا پارت

اسلام آباد۔ 07 اکتوبر (اے پی پی) وزیراعظم پاکستان نا جوڑ کروک سائبر سیکورٹی و سرکاری دفترآتا الیکٹرانک سیکورٹی نا بابت بڑزکو واکداری وزارتی کمیٹی نا اولیکو دیوان جمعہ نادے آ بنجائی وزیر داخلہ رانا ثناء اللہ خان نا کماشی ٹی اڈ ہلک۔ دیوان اٹی بنجائی وزیر کانود اعظم نذیر تارڑ ، وزیر چاگڑدی بدلی شیری رحمان ئسک بشخ ہلکر۔ سیکرٹری کابینہ، سیکرٹری نیشنل ٹیلی کام و سیکرٹری انفارمیشن ٹیکنالوجی تون اوار کمیٹی نا ایلو باسک آک ہم دیوان اٹی ساڑی ئسر۔ وزیرداخلہ کمیٹی ءِ تروک آ ٹرمز آف ریفرنس نا رداٹ اِراہفتہ ٹی کاریم ءِ پورو کننگ نا پارت کرے۔ کمیٹی وزیراعظم ہاؤس اٹی مروک آ سائبر سیکورٹی بریچ نا جاست وپاست نا جاست وپاست نا جاچ ءِہلیک۔ کمیٹی وزیراعظم نا دفتر و ہاؤس کن ساڑی سائبر سیکورٹی پروٹوکول نا جاچ ءِ ہلیک۔ کمیٹی سائبر سیکورٹی پروٹوکول فول پروف جوڑ کننگ نا بابت ایکشن پلان اس مرتب کیک۔ کمیٹی غٹ سرکاری دفتر آتا الیکٹرانک سیکورٹی  ءِ پک کننگ نا بابت سلاہ و سوج ہم مرتب کیک۔ کمیتی تینا سلاہ و سوج آتے اِراہفتہ ٹی پورو کیک ہرافتے وزیراعظم ءِ پیش کننگک۔