اسلام آباد۔ 07 اکتوبر (اے پی پی) وزیراعظم شہباز شریف تھائی لینڈ اٹی 23 کم سن چناتتون اوار مسہ درزن آن زیات بندغ آتا کسفنگ نا واقعہ نا ترندی اٹ مذمت ءِ کرسا پارینے کہ داڑآن زیات بھیانک فعل مننگ کپک۔ جمعہ نادے آ تینا ٹویٹ اٹی وزیراعظم پارے کہ تھائی لینڈ اٹی 23 چناتتون اوار 3 درزن آن زیات بندغ آتا کسفنگ نا واقعہ آ اودے بھاز صدمہ مسنے ، دابربریت نا مذمت کن اوڑتون لوز اف۔ اوپارے کہ نن پدسلوک لمہ و باوہ و تھائی لینڈ نا الس تون ہڑزخواہی نا درشانی ءِ کینہ۔
