بنجائی وزیر خزانہ و محصولات سینیٹر محمد اسحاق ڈار تون پاکستان اٹی جاپان نا سفیر واڈامٹسو ہیرو نا اوڑدہی

اسلام آباد۔ 07 اکتوبر (اے پی پی) بنجائی وزیر خزانہ و محصولات سینیٹر محمد اسحاق ڈار تون جمعہ نادے آ داڑے پاکستان اٹی جاپان نا سفیر واڈا مٹسو ہیرو اوڑدہی کرے۔ وزارت خزانہ نا کنڈآن جاری بیان نا رداٹ اوڑدہی ٹی تین پہ تینی است خواہی نا امور و ہڑتوم آ ملک آتا نیام اٹ واپار و زرگزران نا بشخ آتیٹی تعلقداری تے ودفنگ نا پوسکن آ وارخواہی تا جاچ ءِ ہلنگا۔