اسلام آباد۔ 07 اکتوبر (اے پی پی) صدر مملکت ڈاکٹر عارف علوی پارینے کہ ملک انا رکھ اٹی جان تے ندر کروک آ شہید آتے خراج عقیدت پیش کینہ۔ ایوان صدر نا پریس ونگ انارداٹ داخیال آتا درشانی ءِ او جمعہ نادے آ شہید آتا خاہوت آتون گپ وتران کرسا کرے۔ صدر مملکت ہرنائی بلوچستان اٹی ہیلی کیپٹر شکست اٹی شہید مروک آ میجر منیب افضل نا باوہ و میجر …
ملک انا رکھ اٹی جان تے ندر کروک آ شہید آتے خراج عقیدت پیش کینہ، صدر مملکت ڈاکٹر عارف علوی نا شہید آتا خاہوت آتون گپ وتران
گیشتریں ھال
اسلام آباد۔ 07 اکتوبر (اے پی پی) صدر مملکت ڈاکٹر عارف علوی پارینے کہ ملک انا رکھ اٹی جان تے ندر کروک آ شہید آتے خراج عقیدت پیش کینہ۔ ایوان صدر نا پریس ونگ انارداٹ داخیال آتا درشانی ءِ او جمعہ نادے آ شہید آتا خاہوت آتون گپ وتران کرسا کرے۔ صدر مملکت ہرنائی بلوچستان اٹی ہیلی کیپٹر شکست اٹی شہید مروک آ میجر منیب افضل نا باوہ و میجر خرم شہزاد نا ایلم تون ہڑزخواہی کرے۔ صدر مملکت شکست اٹی شہید مروک آ صوبیدار عبدالواحد، نائیک جلیل انجم، سپاہی محمد عمران و سپاہی شعیب خان نا آتون ہم ہیت کرے۔ ڈاکٹر عارف علوی قطبی وزیرستان اٹی جلہو اٹی شہید مروک آ صوبیدار جاوید اقبال و نائیک حسین احمد نا خاہوت آتون ہم ہڑزخواہی کرے۔ صدر سویلی وزیرستان اٹی سم کاری آن شہید مروک آ نائیک عبدالرشید و سپاہی رسول بادشاہ نا خاہوت آتون گپ وتران کرے و پارے کہ ملک انا رکھ اٹی جان تے ندر کروک آ شہید آتے خراج عقیدت پیش کینہ۔ صدر مملکت شہید آتا درجہ غاتا بڑزی و خاہوت آتیکن صبر و جمیل نا دعاکرے۔
