دوائی تا آب آ ہچ ءُ سمجھوتہ اس کننگپک و غٹ ضلع خاص کر نوکاپ زہمی علاقہ غاتیٹی دوائی تا وخت آ فراوانی ءِ ہندا وڑ برجاتخنگے، صوبائی وزیر جان جوڑی سید احسان شاہ

کوئٹہ۔ 07 اکتوبر (اے پی پی) صوبائی وزیر جان جوڑی سید احسان شاہ پارینے کہ الس ءِ اوفتا درگہ غا جان جوڑی نا آسراتی تا فراوانی حکومت نا اولیت آتیٹی اوار ءِ ہراڑکن غٹ دوئی وسیلہ غاتے کاریم اٹ اتنگ انگ ءِ، دوائی تا آب آ ہچ ءُ سمجھوتہ اس کننگپک و غٹ ضلع خاص کر نوکاپ آن زہمی علاقہ غاتیٹی دوائی تا وخت آ فراوانی ءِ چرجوئی اتون برجاتخنگے۔ داہیت ءِ او ایم ایس ڈی نا دورہ ٹی گپ وتران کرسا پارے ۔ داوخت آ ایڈیشنل ڈائریکٹر ایم ایس ڈی ڈاکٹر احمد زمان جمالی، صوبائی کوآرڈنیٹر ایم این سی ایچ پروگرام ڈاکٹر اسماعیل میروانی، ڈی ایچ او کوئٹہ ڈاکٹر نور بخش بزنجو، ڈائریکٹر ایڈمن ہیلتھ انشورنس التاز بلوچ اسٹاف آفیسر ذاکر علی ، فارماسسٹ ڈاکٹر صندل خان، فارماسسٹ ڈاکٹر آصف و ایلو کمکار آک ساڑی ئسر۔ وزیر جان جوڑی بلوچستان سید احسان شاہ ایم ایس ڈی نا کولڈروم ، ٹیبلٹ ، انجکشن ، ڈسپوزل، سیرپ، ایڈمن و اکاؤنٹ سیکشن آتا دورہ ءِ کرے وزیر دوائی تا پیکنگ اوفتیا تعلقدار ضلع و جان جوڑی ہند آتا اسٹیمپ آتے چیک کرے۔ ایڈیشنل ڈائریکٹر ایم ایس ڈی ڈاکٹر احمد زمان جمالی وزیر جان جوڑی بلوچستان سید احسان شاہ ءِ ایم ایس ڈی نا غٹ سیکشن تا بارواٹی سرجم حوال تس و پارے کہ کوئٹہ تون اوار صوبہ نا نوکاپ آن زہمی مر مر انگا علاقہ غاتیٹی حکومتی پرمان تیا دوائی و ایلو گڑا ہلہلہ ئی بنداو تیا سرکننگانے۔ اوپارے کہ نوکاپ و پِر تیان زہمی ضلع غاتیٹی اوفتا تینا بجٹ آن بیدس ایم ایس ڈی دہ کروڑ روپئی نا دوائی تسنے۔ صوبائی وزیر جان جوڑی سید احسان شاہ ایم ایس ڈی نا ٹیم انا کارکڑد آ است جمی نا درشانی ءِ کرسا پارت کرے کہ دوائی تا آب آ ہچ ءُ سمجھوتہ اس کننگپک و غٹ ضلع خاص کر نوکاپ زہمی علاقہ غاتیٹی دوائی تا وخت آ فراوانی ءِ ہندا وڑ برجاتخنگے۔ اوپارے کہ محکمہ جان جوڑی بلوچستان نا الس نا جان جوڑی نا گچین آسراتی تا فراوانی کن کوشست کننگ ءِ و دادے مشن نا وڑاٹ برجاتخنگک۔ اوپارے کہ الس ءِ بنداوی جان جوڑی نا آسراتی تا فراوانی کن غٹ دوئی وسیلہ غاتے کاریم اٹ اتنگ انگ ءِ دا چرجوئی ٹی ڈیوالئی و لاپرواہی ءِ سگنگ پننگک۔