الخدمت فاؤنڈیشن نا ریلیف ورک ، دیانتداری و منشاکار آتا خذمت راجی آسودہی تنظیم تیکن گچین ءُ درور اسے، انجینئر جمیل احمد کرد

کوئٹہ۔ 07 اکتوبر (اے پی پی) الخدمت فاؤنڈیشن بلوچستان نا صدر انجینئر جمیل احمد کرد پارینے کہ فاؤنڈیشن نا ریلیف ورک ، دیانتداری و منشاکار آتا خذمت راجی آسودہی تنظیم و ادارہ غاتیکن گچین ءُ درور و آئیڈیل کاریم اسے، زہمی تا بحالی اسکان الخدمت نا ریلیف ورک اہل خیر انا کمکاری اٹ برجاسلک، داخیال آتا درشانی ءِ او الخدمت  فاؤنڈیشن نا صوبائی سیکرٹریٹ اٹی دیوان آن گپ وتران کرسا کرے۔ اوپارے کہ میڈیا بلوچستان نا نوکاپ زہمی تا ویل آتے تالان کرے سوشل میڈیا غا الخدمت نا منشاکار و کارندہ غاک ہم الخدمت نا خذمت و زہمی تا گرج آتا بابت سخی تے کلہو اس ترسا رائے عامہ ءِ آوار کرے قومی میڈیا نوکاپ زہمی و بلوچستان نا ویل آتے بایدےتالان کے ۔