نوکاپ آن زہمی علاقہ غاتیٹی پاکستان آرمی و ایف سی بلوچستان ، سول انتظامیہ تون اوار نوکاپ زہمی تا ریلیف و بحالی ٹی اختہ

کوئٹہ۔ 07 اکتوبر (اے پی پی) نوکاپ آن زہمی علاقہ کوہلو، سبی، قلات، جعفر آباد، نصیر آباد، صحبت پور و جھل مگسی ٹی 13 ریلیف کیمپ فعال ءُ ہراڑے 13555 نوکاپ زہمی تے تیار کن و خور، راشن و درمان فراوان کننگ انگ ءِ نوکاپ آن زہمی علاقہ غاتیٹی راشن نا پیکٹ ہیلی کیپٹر نا کمک اٹ ہم سرکننگ انگ ءِ۔ تدوک آ 24 گھنٹہ ٹی نوکاپ آن زہمی علاقہ بشمول، سبی ، قلات ، جعفر آباد، نصیر آباد، صحبت پور و جھل مگسی ٹی نوکاپ زہمی تیٹی 2805 راشن نا پیکٹ 23946 دیر انا بوتل، 6144 کلوگرام کنوئی آ گڑا ہرافتے ٹی نُت، کنوئی آ تیل ، برنج، چاہ انا پتی و بورہ پین پین اوار ءِ وخت اس کہ 18962 کلوگرام پین گڑا ہرافتے ٹی باسن پچ، کمبل ، ٹینٹ ، مچھردانی ، صابون و ایلو ہڑدے ئی المی آ گڑا حقدار مخلوق اٹی بشخنگا۔ پاکستان آرمی و ایف سی بلوچستان نا کنڈآن امداد نوکاپ زہمی تیکن کوئٹہ ٹی 6 کلکشین پوائنٹ فعال ءُ۔ ہراڑے نوکاپ زہمی تیکن کمکی گڑا مچ کننگ انگ ءِ تانکہ حقدار مخلوق ءِ وخت آ امداد فراوان کننگ مرے، نوکاپ آن زہمی ضلع غاتیٹی مخلوق ءِ چندی مرض آتیان بچفنگ کن فری میڈیکل کیمپ آتا چرجوئی ہم برجاءِ۔ تدوک آ 24 گھنٹہ ٹی پاکستان آرمی، ایف سی بلوچستان و پی ڈی ایم اے نا کنڈآن 24 فری میڈیکل کیمپ اڈتننگا ہرافتے ٹی 5416 ناجوڑ آتا درمان ءِ کننگا و مفت دوائی تننگا۔