بلوچستان اٹی نوکاپ آن زوال کروک آتا کچ 336 اسکان سرمسنے، پی ڈی ایم اے

کوئٹہ۔ 06 اکتوبر (اے پی پی) بلوچستان اٹی نوکاپ آن زوال کروک آ بندغ آتا کچ 336 اسکان سرمسنے، ترجمان پی ڈی ایم اے نا کنڈآن جاری بیان اٹی پاننگانے کہ بلوچستان اٹی نوکاپ آن زوال کروک آ بندغ آتا کچ 336 اسکان سرمسنے ہرافتےٹی 149 نرینہ، 80 زالبول و 107 چنااوار ءُ وخت اس کہ چندی شکست آتیان 187 بندغ ٹھپی مسنو ہرافتے ٹی 97 نرینہ، 40 زالبول و 50 چنااوار ءُ۔ اوپارے کہ نوکاپ اٹی مچ آ صوبہ ٹی 75 ہزار آن زیات ہند آک تمانو و 1 لکھ 50 ہزار اُراتے جزوی نسخان ہم رسینگانے۔ ترجمان پی ڈی ایم اے مستی پارے کہ نوکاپ آن سولر پلیٹ، ٹیوب ویل، و بورنگ آتے ہم نسخان رسینگانے وخت اس کہ جم وڑاٹ 2 لکھ 8 سد 11 ایکڑ ڈغار آ سلوک فصل آک بھس مسنو۔