وزیراعظم شہباز شریف تون مسلم ورلڈ لیگ نا سیکرٹری جنرل شیخ ڈاکٹر محمد بن عبدالکریم العیسیٰ نا اوڑدہی

اسلام آباد۔ 06 اکتوبر (اے پی پی) وزیراعظم محمد شہباز شریف امت مسلمہ ءِ متحد کننگ و امن، رواداری و بین المذاہب ہم آہنگی نا کلہو ءِ تالان کننگ اٹ اہم ءُ کڑد اس ادا کننگ آ مسلم ورلڈ لیگ نا سیکرٹری جنرل شیخ ڈاکٹر محمد بن عبدالکریم العیسیٰ و مسلم ورلڈ لیگ نا کوشست آتا ستاءِ کرینے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم تون مسلم ورلڈ لیگ نا سیکرٹری جنرل شیخ ڈاکٹر محمد بن عبدالکریم العیسیٰ داڑے اوڑدہی کرے ہراٹی وزیراعظم سعودی عرب، مسلم ورلڈ لیگ و شیخ ڈاکٹر محمد بن عبدالکریم العیسیٰ نا اہم جہانی مسلم امہ نا ویل خاص وڑاٹ فلسطین و کشمیر نا بابت کڑد ءِ ستاکڑزوک گوندا۔ وزیراعظم پاکستان اٹی نوکاپ نا برجا بھسکار اثرآتے تالان کرسا پارے کہ نوکاپ 33 ملین آن زیات بندغ آتے زہمی کرینے۔ اودامشکل وخت اٹی سعودی عرب نا کنڈآن پاکستان ءِ تروک آ امداد آ منت واری ءِ ہرفے۔ وزیراعظم پارے کہ پاکستان سعودی عرب تون تینا تعلقداری تے بھاز اہمیت ایتک ہرا اسیجائی عقیدہ ، قدر و دودوربیدہ نابنداو تیا ٹی ءُ۔ وزیراعظم سیکرٹری جنرل نا ساڑی آ دورہ پاکستان کن نیک است خواہی نا درشانی  ءِ کرے۔ مسلم ورلڈ لیگ نا سیکرٹری جنرل شیخ ڈاکٹر محمد بن عبدالکریم العیسیٰ 5 آن 14 اکتوبر 2022 اسکان پاکستان نا دورہ ءِ کننگ اٹی ءِ۔