اسلام آباد۔5اکتوبر (اے پی پی): حال ء ُ ا ھیوال کاری ءُ شنگکاری ءِ بنجاہی وزیر مریم اورنگزیب ءَ عمران خان ءَ را لانگ مارچ ءِ رمس دیئگ ءَ چہ پیسر لھتیں حاسیں جستانی پسو ءِ چیلنج داتگء ُگشتگ کہ راجی سلامتی ءَ را نقصان دئیوکیں فارم ایجنٹ اسلام آبادءَ چے کنگ ءَ پیداک اِنت؟ ہارءِ آماچیں مردمانی کمک کنگءِ بدل ءَ لانگ مارچ ءِ چِن ء ُلانچ، معیشت تباہ ، 20 ہزار ارب ءِ وام زوروکیں فارن ایجنٹ دروگ بند اسلام آباد ءَ چے کنگءَ پیداک اِنت؟ چارشمبے ءِ روچءَ عمران خان ءِ لانگ مارچ ءِ ہوالگءَ وتی بیان ءِتہا بنجاہی وزیرءَ جست کتگ کہ پاکستان ءِ معیشت ءَرا نقصان دئیوکیں فارن ایجنٹ اسلام آباد ءَ چے کنگءَ پیداک اِنت؟ آئی ءَ گشتگ کہ فارن ایجنٹ ءَ 95 لکھ مردماناں بے روزگار کتگ، 2 کروڑ مردماناں نیزگاری ءِ آس ءِ تہا دور داتگ، نوں آ اسلام آبادءَ چے کنگ ءَ پیداک اِنت؟ آئی ءَ گشتگ کہ آمید گس ءُ جج آناں بیم ء ُ تُرس پیش داروک ء ُ ادارگانی سرءَ بہتان جنگ ء ُ سیاستءِ تہا گَہران کنوک اسلام آبادءَ چے کنگ ءَ پیداک اِنت؟ آئی ءَ گشتگ کہ کشمیر ء َ را بہاکنوک فارن ایجنٹ اسلام آبادءَ چے کنگ ءَ پیداک اِنت؟ آمبارءِ دُز، فرح گوگی، پیرنی ءِ کرپشن شریداریں مجرم اسلام آبادءَ چے کنگءَپیداک اِنت؟ حال ء ُ اھیوال کاری ء ِ بنجاہی وزیرءَ گشتگ کہ عمران خان پیسرءَ اے جستانی پسوءَ بہ دنت ء ُ پدا لانگ مارچءِ جارءَ بہ جنت۔
