اسلام آباد۔5اکتوبر (اے پی پی):سپیکر راجی اسمبلی پرویز اشرف ءَ گوشت کہ پاکستان ءَ را ماحولیاتی مٹ ءُ بدلی ءَ گوں گر ءُ چیل بوھگ ءِ واستہ انصاف دوستیں کمک ءِضلورت انت۔ دیمروئی کنوکیں ملک آناں موسمی مٹ ءُبدلی ءِ رند پد آناں گہتریں رنگ ءَ گوں گر ءُ چیل بوھگ ءِ واستہ پاکستان وڑیں موسمی مٹ ءُ بدلی آنی آماچیں ملک آناں زوتیں ءُ ساپ ءُ سلہ ایں مالی کمک دیگ لوٹ ائیت۔ اے ھیالانی درشانیآئی ءَ چار شمبے ءِ روچ ءَ پارلیمنٹ گس ءَ بین الپارلیمانی یونین آئی پی یو ءِ دوہازدہ ءَ چہ گیش ملک آنی گروپ ءَ گوں گند ءُ نند ءَ کت۔ میٹنگ ءِ بندوبست 11 ءَ بگر تاں 15 اکتوبر 2022 ءَ تاں روانڈا ءَ بوھوکیں 145 یک سد ءُ چیل ءُ پنچمی آئی پی یو اسمبلی ءَ منوگر بوتگیں پوائنٹ آنی منظوری ءِوسیلگ ءَ میاں اوستمانی موسمی فنڈ ءِ اسمبلی ءِ شور ءُ سلاھ ءِ واستہ نو ک دیمروئی کنوکیں ملک آنی کمک ءِ واستہ کنگ بوتگ۔
