اسلام آباد۔06مئی( اے پی پی) صدر ممنون حسین ئَ گشتگ کہ بھارت ءَ را امنءُ ایمنی ءُ دوستیئِ کلوھئَ دیئاں ءُ گشاں کہ کستءُ کینگئَ چہ خطہ ئِ دیمروئی ءُ امنءُ ایمنی ئَ را ھترہ ئِ تہا مان مہ کن اِت۔ صدر ئَ اے گپ سر حد چیمبر آف کامرس اینڈ اینڈسٹری ئِ چیر دستیئَ دو روچی صنعتی نماش ئِ بنگیجیئَ پد مراگشئَ گوں تران کنانئَ کتگ۔ اے موھئَ بزنس مین فورم ئِ سروک سینیٹر الیاس احمد بلور، صدر سرحد چیمبر آف کامرس اینڈ انڈسٹری حاجی محمد افضل ءُ نماش ئِ کنوینر ذوالفقار علی خان ئَ ھم تران کتگ۔ صدرئَ گشتگ کہ اوگان مئے برات اَنت، آھانی گوما دل ئَ چہ دوستی ءُ براتی کنگ لوٹ اَنت۔ اوگانستان ئَ امنءُ ایمنی ءُ مھکمی ئَ ھاترئَ ایمانداریئِ گوما کار کنگئَ اَنت۔
