اسلام آباد۔ 05 اکتوبر (اے پی پی) بنجائی وزیر صنعت و پیدوار سید مرتضیٰ محمود پارینے کہ ڈیہہ ٹی خذمت، مصنوعات و مینو فیکچرنگ نا سرٹیفکیشن نا بابت اے پی او نا کڑد اہم ءِ، ایشیائی ڈیہہ نا جہانی جی ڈی پی ٹی بشخ 37 درسد ءِ، ایشیائی ڈیہہ شون ہلوک زرگزران تے وسیلہ فراوان کیک، پیدواریت اٹی ودکی کن این پی او تون غٹ تپہ غاتے کڑد ادا کروئی مریک۔ داہیت انا درشانی ءِ ایشیا پروڈکٹویٹی آرگنائزیشن نا 60 می سال دے انا رداٹ اِرا دے ئی جہانی کانفرنس آن تران کرسا کرے۔ کانفرنس اٹی بنجائی وزیر صنعت و پیدوار سید مرتضیٰ محمود بطور مہمان خاص بشخ ہلک۔ کانفرنس اٹی ایشیئن پراڈکٹویٹی آرگنائزیشن نا سیکرٹری جنرل ڈاکٹر اندرا پرادانہ سنگاویناتا، چیف ایگزیکٹیو نیشنل پراڈکٹویٹی آرگنائزیشن پاکستان محمد عالمگیر چوہدری و ایلوفک ہم بشخ ہلکر۔بنجائی وزیر صنعت و پیدوار سید مرتضیٰ محمود تران کرسا پارے کہ پاکستان این پی او نا بانی باسک ملک ءِ، اے پی او نا 60 می سال دے انا دود اٹی بشخ ہلوک ہندی و پیشن نا ملک آتیان بروک آ مہمان تے بخیر اٹ پاوہ، پاکستان این پی او نا بانی باسک آتیٹی اوارءِ، ڈیہہ ٹی خذمت، مصنوعات ومینو فیکچرنگ نا سرٹیفکیشن نا بابت اے پی او نا کڑد اہم ءِ، ایشیائی ڈیہہ نا جہانی جی ڈی پی ٹی بشخ 37 درسد ءِ، ایشیائی ڈیہہ شون ہلوک زرگزران تے وسیلہ فراوان کیک، پیدواریت اٹی ودکی کن این پی او تون غٹ تپہ غاتے کڑد ادا کروئی مریک، حکومت پاکستان پائیدار بنداو تیا صنعتی شونداری و پیدواریت اٹی ودکی آ چکار تخنگ ءِ، کسبکار افرادی قوت، انسانی وسیلہ غاتا شونداری و ٹیکنالوجی ہی صنعتی پیدوار ءِ ودفنگ اٹ کمکار مننگ کیک۔ وزارت صنعت وپیدوار ملک اٹی صنعتی شونداری کن تینا کڑد ءِ ادا کننگ اٹی ءِ۔
