لاہور۔ 05 اکتوبر(اے پی پی) پاکستان مسلم لیگ ن نا نائب صدر مریم نواز لاہور ایئرپورٹ آن نجی ایئرلائن نا جہاز اٹ چارشنبے نادے براستہ دوحہ لندن آ روانہ مس۔ بالی پٹ آ روانگی آن مست مریم نواز پیرہ، بلہ و لمہ نا قبرآتیا دعاپاتیا ہم کرے، ن لیگی نائب صدر تون اوار اونا جند انا ملازمہ ہم ئسک۔ لاہور بالی پٹ آ سرمننگ آ تینا بیان اٹی مریم نواز نا پاننگ ئس کہ کنے آن انتظار مفننگ ءِ کہ چوخت جہاز لینڈ کے وہراتم ای تینا باوہ تون ملیو۔ خاہوتی حوالی نا پاننگ ءِ کہ مریم نواز کم وود اسہ تُو لندن اٹی اڈ کیک اوکان پد اونا تینا باوہ نواز شریف تون اوار وطن آ پدی بننگ نا گمان ءِ۔ یات سلے کہ لاہور ہائی کورٹ نا پرمان آن پد سے شنبے نادے آ مریم نواز ءِ اونا پاسپورٹ پدی ملاسس۔
