استاد آک خوانندہ راج انا ٹہیفنگ اٹ اہم ءُ کڑد اس ادا کیرہ، وزیراعلیٰ بلوچستان نا جہانی استاد دے انا وخت آ کلہو

کوئٹہ۔ 05 اکتوبر (اے پی پی) وزیراعلیٰ بلوچستان میر عبدالقدوس بزنجو پارینے کہ قوم تا شونداری و شونہالی ٹی تعلیم نا بھلو اہمیت اسے، خوانندہ راج انا ٹہیفنگ اٹ استاد آتا کڑد اہم ءِ، حکومت استاد آتا ویل و مشکل آتے ایسر کننگ کن سنجیدہ ءِ و دا چرجوئی ٹی صوبائی حکومت ساڑی ہی ٹی استاد آتا اپ گریڈیشن نا متکن آویل ءِ ایسر کرے۔ اواستاد آتا جہانی دے انا وخت آ کلہو اٹی پارے کہ کابینہ گلوبل پارٹنر شپ فارایجوکیشن بلوچستان پروجیکٹ نا رداٹ 1493 استاد آتے آخبتی کرینے، صوبہ نا مرمر انگا علاقہ غاتیٹی پوسکن اءُ تعلیمی ادارہ جوڑ کننگ انگ ءِ۔ اوپارے کہ نن استاد آتا ویل آتیان معلومدار اُن ، تدریسی عمل ءِ گچین وڑاٹ برجاتخنگ ن استاد آتا ویل آتے ایسر کینہ ، حکومت تعلیم نا بشخ انا گچینی و ہیومن ریسورس ءِ وسیلہ فراوان کیک، پوسکن آ انٹرن استاد آتا بھرتی نا عمل ہم برجاءِ، وزیراعلیٰ بلوچستان میر عبدالقدوس بزنجو پارے کہ استاد و خاص وڑاٹ زالبول استاد آتے ٹرانسپورٹ نا آسراتی فراوان کننگ انگ ءِ ، استاد آک راجی انا شونداری و شونہالی ٹی اہم ءُ کڑد اس ادا کیرہ، استاد آک تینا چکار ءِ چناتے آب اٹ تعلیم نا فراوانی آ تخر انتئے کہ استاد آتا دوٹی ننا چناتا آخبت ءِ۔