اسلام آباد۔4اکتوبر (اے پی پی):سینیٹ ءِ باسک آں گوشتگ کہ ملک ءَ سیلاپ ءَ چہ ٹوھیں کساس ءَ تباہی بوتگ، سیلاپ ءِ آماچیں مردم آناں ریلیف ءِ پجاری ءِ کار ءِ تہ ءَ ترندی آرگ ءِ ضلورت انت۔ سرجمیں راج ءَ را یکجاہ بوھگ ءَ سیلاپ ءَ چہ آماچیں مردم آناں کمک کنگ لوٹ ائیت۔ سئے شمبے ءَ ایوان ءِ بالا ءِ دیوان ءِ ساھت ءَ ءَ اپوزیشن ءِ جاڑیگیں تحریک ءِ ھوالگ ءَ باست ءُ واست آنی تہءَ بھر زوران ءَ سینٰٹر سیمی ایزیدی ءَ گوشت کہ سندھ، بلوچستان ءُ ایندگر دمگ آنی تہ ءَ سیلاپ ءَ چہ گران بھائیں جانی ءُ مالی تاوان آنی گوما کشار تباہ بوتگ انت۔ مردم بے گس بوتگ انت۔ آواناں دوا ءُ درمان ءُ ایندگر سامان آناں زوتاں چہ زوت کنگ ءِ ضلورت انت۔
