اسلام آباد۔4اکتوبر (اے پی پی):بینظیر انکم سپورٹ پروگرام (بی آئی ایس پی) ءِ چیر دستی ءَ سیلاپ ءَ چہ آماچیں 2,486,711 ھاندان آناں 62 ارب کلدار ءَ چہ گیش بھر ءُ بانگ کنگ بوتگ۔ بی آئی ایس پی ءِ نیمگ ءَ چہ بلوچستان، سندھ خیبر پختونخوا ، پنجاپ ءُ گلگت بلتستان ءِ آماچیں ھاندان آناں 25,000 کلدار بھر ءُ بانگ کنگ ءَ را ساپ ءُ سلہ ئی ءَ را دل یکیمی جوڑ کنگ بوھگ ءَ انت۔ فلڈ ریلیف کیش اسٹینس ءِ چیر دستی ءَ انوگ ءَ تاں ھواریں رنگ ءَ 2,486,711 سیلاب ءَ چہ آماچیں ھاندان آناں، 62,167,775,000 کلدار بھر ءُ بانگ کنگ بوتگ۔ ھواریں رنگ ءَ سیلاپ ءَ چہ آماچیں 26,178 ھاندان آناں سیلاپ ءَ چہ آماچیں دمگ آنی تہءَ جوڑیں جتا جتائیں کیمپس آں چہ نگدی کمک گپتگ۔ بے نظیر انکم سپورٹ پروگرام ہیڈ کوارٹر ءَ یک کنٹرول روم ءِ جوڑ کنگ بوتگ تانکہ زر آنی ادائیگی ساپ ءُ سلہ ئی ءَ بہ بیت۔
