اسلام آباد۔4اکتوبر (اے پی پی): مزن وزیر محمد شہباز شریف ءَ گوشت کہ ترکیہ ءَ مدام سکیں ساھت ءَ پاکستان ءِ کمک کتگ، ترکیہ ءِ نیمگ ءَ چہ روان داستگیں 50 لانچ آنی سندھ ءُ بلوچستان ءِ سیلاپ ءَ چہ آماچیں دمگ آنی تہ ءَ پستگیں سدانی کساس ءَ مردم آناں کمک رستگ۔ اے ھیالانی درشانی آئی ءَ ترک ہلال احمر ءِ گوما سفیر اسماعیل رنک ءُ پاکستان ءَ ترکیہ ءِ سفیر مہمت پیکاسی ءَ ھواریں ڈل ءِ گوما تران کنان ءَ کت آئی ءَ سئے شمبے ءِ روچ ءَ ادا آئی ءَ گوں گند ءُ نند کت۔ مزن وزیر ءَ سکیں ساھت ءَ ترکیہ ءِ نیمگ ءَ یکوئی ءِ درشا ن آناں ساڑات ءُ گوشت کہ 2005 ءِ زمین چنڈ ءُ 2010 ءِ سیلاپ ءَ چہ پد جاور ھال آنی تہ ءَ استیں سیلاپ ءَ چہ پد ھم ترکیہ ءَ پاکستان ءِ گیشاں چہ گیش ھمبراہ داری کتگ۔ سیلاپ ءَ چہ آماچیں مردم آنی کمکی سامان آنی ٹرین روان دیگ ءِ پد ءَ صدر رجب طیب اردوان ءُ ترکیہ ءِ الس ءِ شگر ءُ منت وار آں۔ مزن وزیر شہباز شریف ءَ سیلاپ ءَ چہ آماچیں مردم آں گوں یکوئی ءِ درشان کنگ ءِ پد ءَ ترک ہلاپ احمر ءِ شگر ءُ منت واری گپت۔
