جنیوا۔4اکتوبر (اے پی پی): سیلاپ ءَ چہ آماچیں مردم آنی واستہ پاکستان ءُ یونائیٹڈ نیشن ءِ یکجائی چمشانک داتگیں فلیش 2022 اپیل ءَ را سئے شمبے ءَ جنیوا ءَ بنگیج بوتگ، ماحولیاتی مٹءُ بدلی ءِ سبب ءَ پاکستنان ٹوھیں سیلاپ ءَ چہ آماچیں مردم آنی کمک ءِ واستہ اے گامگیج حکومت ءِ پاکستان ءُ یونائیٹڈ نیشن ءَ بنگیج کتگ۔ پاکستان ءِ نیمگ ءَ چہ اے گامگیج آنی تہءَ بنجاھی وزیر ماحولیات ءِ مٹ ءُ بدلی شیری رحمٰن ، بنجاھی وزیر اقتسادی کار ءُ وزیر ءِ مملکت برائے درئی کار حنار ربانی کھر ءَ بھر زوری کت۔ مراگش ءَ یونائیٹڈ نیشن ءِ انڈر سیکرٹری جنرل مارٹن گرفتھ، پاکستان ءَ یونائیٹڈ نیشن ءِ نماھندگ بولین ہارنس، میاں اوستمانی ادارگ برائے جان سلامتی ڈبلیو ایچ اور ءِ ڈائریکٹر جنرل ڈاکٹر ٹیڈروس ایڈ ہانوم ، یونائیٹڈ نیشن ءِ ایندگر جھلی تک ءِ گل ءُ کمکی ادارگ آنی نماھندگ آں ھم بھر زوری کت۔ سیلاپ ءِ آماچیں مردم آنی واستہ پاکستان ءُ یونائیٹڈ نیشن ءِ یکجائی چمشانک کتگیں فلیش اپیل ءِ موہ ءَ گشتانک دیان ءَ کت۔ وزیر ءِ مملکت برائے درئی کار حنا ربانی کھر ءَ گوشت کہ پاکستان سیلاپ ءَ چہ آماچیں مردم آنی کمک ءُ برجائی ءِ واستہ میاں اوستمانی تک ءَ مھکمیں کوشست ءُ یکجائی ءَ کار کنگ ءِ ضلورت انت۔ آئی ءَ گوشت کہ پاکستان ءِ الس آں ماحولیاتی مٹ ءُ بدلی آنی سبب ءَ بوھوکیں کدرتی آپت آں چہ بے گس بوتگیں مردم آنی واستہ وتی گس آنی دروازگ پچ کتگ ءُ آواناں کمک پجاری کتگ۔ وزیر ءِ مملکت ءَ آماچیں مردم آنی آسودگی ءُ کمک ءِ واستہ میاں اوستمانی تک ءَ مھکمیں کوشست کنگ ءِ ضلورت ءِ ھوالگ ءَ زور پر دیان ءَ گوشت کہ پاکستان الس آں اے کدرتی آپت ءَ چہ آماچیں مردم آناں ھمک رنگیں کمک کتگ۔ ڈبلیو ایچ او ءِ ڈائریکٹر جنرل ءَ گوشت کہ پاکستان ماحولیاتی مٹ ءُ بدلی ءِ قیمت ءَ دیگ ءَ انت چوشکہ کہ ایشی ءِ سر ءَ زمہ واری پر نہ بیت۔
