جنیوا۔4اکتوبر (اے پی پی): موسمی مٹء ُ بدلی ءِ بنجاہی وزیر شیری رحمٰن ءَ موسمی مٹء ُ بدلی ءَ را اے دورءِ یک مزنیں جیڑہے لیک اِتگء ُ گشتگ کہ پاکستان ءَ موسمی مٹء ُ بدلی ءِ سوب ءَ مزنیں تباہی بوتگ، حکومت سرجمیں آسراتیاں کارمرز کنگ ءُ آماچیں مردمانی آبات کنگ ءِ ھاترءَ گامگیج کنگ ءَ اِنت،مارا اشتاپی بنیاتاں دوا درمان ء ُ طبی آسراتیانی ضلورت اِنت، آماچیں مردماناں سرتی ءَ چہ رکینگ ءِ ھاترءَ گامگیج کنگ لوٹ ایت، ہارءِ آماچیں مردمانی ھاترءَ دنیا دیما بہ ایت۔ اے ھیالانی درشانی آئی ءَ سئے شمبے ءِ روچءَ جینوا ءَ ہارءِ آماچیں مردمانی ھاترءَ پاکستانء ُ ا قوام متحدہ ءِ یکجاہی چمشانک داتگیں فلیش 2022 دزبندی ءِ بنداتی مراگش ء َ گوں تران کنان ءَ کتگ۔ ببجاہی وزیر ءَ گشتگ کہ موسمی مٹء ُ بدلی پاکستان ءِ بہر یک درسدے ءَ چہ ہم کم اِنت۔ آئی ءَ گشتگ کہ موسمی مٹء ُ بدلی ءَ چہ پاکستان باز آماچ بوتگ، انوگیں ہار موسمی مٹءُبدلی ءِ یک تچکیں درور اِت۔ آئیءَ گشتگ کہ ہارءَ چہ 1700 ءَچہ گیش مردم بیران بوتگ اَنت، پاکستان ءَ مزنیں کساسے ءَ مردمانی لوگء ُ جاگہان نقصان رستگ، ما انگت ہم ریسکیو ء ُ ریلیف ءِ کارانی تہا اَنت۔ ہارءَ چہ مزنیں کساسے ءَ مردم بیران بوتگ اَنت۔ حکومت ہارءِ آماچیں مردمانی بحالی ءِ ھاترءَ گامگیج کنگءَ اِنت۔ لکھاں مردم کمک ءِ ودارءَ اَنت۔ تاں انگت بازیں دمگاں ہارءِ آپ اوشتگ ، مارا اِشتاپی بنیاتاں درمان ءُ جان ء ُ سلامتی ءِ ضلورت اِنت۔ آئی ءَ گشتگ کہ سرتی ءِ موسم پیداک اِنت، ہارءِ آماچیں مردماناں سرتی ءَ چہ رکینگ ءِ ھاترءَ گامگیج کنگ لوٹ ایت۔ پاکستان ءَ ہار ءِ آماچیں مردمانی کمک کنگءِ ھاترءَ دنیا دیما بہ ایت، حکومت ہارءِ آماچیں مردمانی کمک ءِ ھاترءَ دیما بہ ابیت، پاکستان تنا ہارءِ تباہ کاریاناں شرکت ناکنت، موسمی مٹء ُبدلی ءَ را گرء ُدار کنگ ءِ ھاترءَ میاں اوستمانی تک ءَ گامگیج کنگ بہ بیت۔
