اسلام آباد۔4اکتوبر (اے پی پی):ایشیائی دیمروئی بینک ءَ گشتگ کہ موسمی مٹء ُ بدلی ءِ سوب ءَ 2010 ءَ پد تاں انوں ایشیا ءِ خطہ ءِ تہا کشتءُ کشاری ء ُ لائیو سٹاک ءِ پڑءَ را 49 ارب ڈالرءِ نقصان بوتگ۔ اے گپ اے ڈی بی ءَ وتی یک رپورٹءِ تہا گشتگ۔ رپورٹءِ تہا گشگ بوتگ کہ موسمی مٹء ُ بدلی ءِ درستاں چہ گیش آثر ایشیا ءِ خطہ ءِ سرءَ بوتگ ء ُ اے خطہ ءِ نقصان درستاں چہ گیش بوتگ۔ رپورٹءِتہا حال دیئگ بوتگ کہ تنا چین ءَ موسمی مٹ ء ُ بدلی ءِ سوب ءَ 40 ملین ایکڑ زمینانی کشارء ُ پیداوار آناں نقصان بوتگ، مئی ءَ بنگلہ دیشن ءَ اتکگیں ہارءَ چہ 24 ہزار مردم بے روزگار وہدے کہ کشاراناں 6 ملین ءِ نقصان بوتگ۔ رپورٹ ءِ تہا موسمی مٹء ُ بلدلی ءِ سوب ءَ کشتء ُ کشاری ء ُ لائیو سٹاک ءَ را بوتگیں نقصانانی پُر کنگءِھاترءَ پیرا میٹرک انشورنس ءِ رھبنداں تچک کنگءِ سفارش کنگ بوتگ۔
