بنجاہی وزیر  سردار ایاز  صادق  ءَگوں پاکستان ءَ چین ءِ دسفیر نونگ رونگ ءِ گندء ُنند

اسلام آباد۔4اکتوبر  (اے پی پی): اقتصادی کارانی بنجاہی وزیر وزیر سردار ایاز  صادق ءَ گوں پاکستان ءَ چین ءِ  سفیر نونگ رونگ ءَ گندء ُنندکتگ۔  بنجاہی وزیر ءَ  اِد ءِ آیگ ءَ  چین ءِ سفیر ءَ را وش اَتک کتگ۔ گندء ُنندءِتہا دونیمگی  ھدوناکی کارانی سرءَ  ھیال ء ُ لیکہ ءِ درشانی کنگ بوتگ۔ سردار ایاز صادق ءَ دوئیں ملک  آنی نیام ءَ  دراج بُہریں سیادی ءَ را ساڑاتگء ُ  گشتگ کہ پاکستان ء ُ چین ءِ  نیام ءَ  بازیں بے مٹیں سیادی اَست، ما گوں چین ءِ گوما  یک حاسیں   سیادی ء ُ ا رزشت  ءِ تہا بندوک  اَنت کہ دنیا ء َ دگہ ایچ راجانی گوما نیاں۔ چینی سفیر ءَ دوئیں  ملک آنی  نیام ءَ براتیں سیادی ءَ را ساڑاتگ۔آئی ءَ گشتگ کہ  چین ءِ حکومت ءَ  پاکستان ءَ را ریسکیو ء ُ ریلیف ءِ  تہا  بازیں کمکے سرکتگ۔ آئی ءَ گشتگ کہ تاں اکتوبر ءَ ہار ءِ  ہوالگءَ کمکی  سامان بروکیں درائیں کارگو کراچی ءَ  سربنت۔ اے موہ ءَ  ھیال ءُ لیکہ ءِ درشانی کتگءُ چینی  س فیر ءَ پاکستان ءِ میڈیا ءَ چین ءِ کردءَ  را جوانی ءَ پیش کنگ ءِ   ضلورت  ءِ  سرءَ زور پِرداتگ۔ سردار ایاز صادق ءَ اے  گپ ءَ را دیما بران ءَ   گشتگ کہ مئے اُلس ءَ را پاک چین دوستی ءُ چین ءِ نیمگءَ چہ پاکستان ءِ ھاترءَ چست کتگیں گامگیجانی ہوالگءَ سرپدی بہ بیت۔