کوئٹہ۔ 04 اکتوبر (اے پی پی) ایف سی بلوچستان ساؤتھ نا کنڈآن مند اٹی فری میڈیکل کیمپ اس خلنگا۔ پاک ایران بارڈر تون گنڈوک ضلع کیچ انا علاقہ مند اٹی ایف سی بلوچستان ساؤتھ نا کنڈآن فری میڈیکل کیمپ اس خلنگا، ہراڑے 402 ناجوڑ آتا مفت معائنہ ءِ کننگا و ناجوڑ آتے مفت گچین طبی امداد تون اوار اوار مفت دوائی ہم فراوان کننگا ہرافتے ٹی 95 نرینہ 164 زالبول وخت اس کہ 143 چنااوار ئسر۔ یات سلے کہ بلوچستان نا گیشتر ضلع غاتیٹی ایف سی بلوچستان ساؤتھ نا کنڈآن فری میڈیکل کیمپ اڈتننگانے، ایف سی بلوچستان ساؤتھ فری میڈیکل کیمپ آتا آسراتی تے ہمو پدسلوک علاقہ غاتیٹی فراوان کننگ ءِ ہراڑے جان جوڑی نا آسراتی تا کمتی ءِ، ایف سی بلوچستان ساؤتھ نا کنڈآن فری میڈیکل کیمپ آتیٹی داتم اسکان ہزار آ ناجوڑ فائدہ ہرفینو ہرافتے ٹی زالبول و چناتا اسہ بھلو کچ اس اوار ءِ، علاقائی مخلوق ایف سی بلوچستان ساؤتھ نا کوشست آتا ستاءِ کرسا پارے کہ ایف سی نا کنڈآن الس ءِ گچین طبی آسراتی کن فری میڈیکل کیمپ آتا اڈتننگ اسہ ستاکڑزوک ءُ گام اسے۔
