اسلام آباد۔ 04 اکتوبر (اے پی پی) بنجائی وزیر جان جوڑی عبدالقادر پٹیل پارینے کہ ہیلتھ کیمپ آتیٹی ٹائیفائیڈ، جلد انا ناجوڑی و نمونیا تون اوار چندی ناجوڑی تا درمان برجاءِ، صوبائی حکومت تون اواری اٹ عملی گام گیج کن کوشست کننگ انگ ءِ۔ سے شنبے نادے آ تینا بیان اٹی اوپارے کہ نوکاپ زہمی تیکن عملی گام گیج برجاءِ، نوکاپ زہمی تیکن جان جوڑی نا آسراتی تا فراوانی ننا اولیت ءِ۔ اوپارے کہ خیبرپختونخوا ، سندھ، بلوچستان و پنجاب اٹی 48 ہیلتھ کیمپ اڈتننگانے۔ خیبرپختونخوانا 8 ضلع غاتیٹی 16 ہیلتھ کیمپ خلنگانے، پنجاب نا اِرا ضلع غاتیٹی 4ہیلتھ کیمپ اڈتننگا، بلوچستان نا 7 ضلع غاتیٹی 14 ہیلتھ کیمپ اڈتننگا، سندھ انا 10 ضلع غاتیٹی 14 ہیلتھ کیمپ اڈتننگا وخت اس کہ جم وڑاٹ 5 ہزار 602 ناجوڑ آتے طبی امداد فراوان کننگا۔ کیمپ آتیٹی پنچ سال آن کم وئی 1281 چناتے طبی امداد تننگا۔ اوپارے کہ ہیلتھ کیمپ آتیٹی 470 چناتے پولیو نا رکھی پڑی تننگا ، ہیلتھ کیمپ آتیٹی 196 چناتے رکھی ٹیکہ خلنگا، پنجاب اٹی 787 ناجوڑ آتے طبی امداد ءِ پک کننگا، سندھ اٹی 5030 ناجوڑ آتے طبی امداد تننگا۔ اوپارے کہ بلوچستان اٹی 4389 ناجوڑ آتے طبی امداد تننگا۔
