اسلام آباد۔ 04 اکتوبر (اے پی پی) ایشیائی شونداری بینک پارینے کہ موسمیاتی بدلی تا سوب آن 2010 آن پد داتم اسکان ایشیانا ڈیہہ ٹی کشت وکشار و لائیو سٹاک نا بشخ ءِ 49 ارب ڈالر نا نسخان مسنے۔ داہیت ءِ اے ڈی بی تینا اسہ حوال اسے ٹی پارے۔ حوال اٹی پاننگانے کہ موسمیاتی بدلی تا غٹ آن زیات اثر ایشیان اڈیہہ غا تمانے و داڈیہہ ٹی نسخان نا کچ دنیا نا ایلو علاقہ غاتا رداٹ بھاز زیات ءِ۔ حوال اٹی پاننگانے کہ بیرہ چین اٹی موسمیاتی بدلی تا سوب آن 40 ملین ایکڑ ڈغار تیا فصل و پیدوار ءِ نسخان رسینگا، مئی ٹی بنگلہ دیش اٹی بروک آ نوکاپ آن 24 ہزار بندغ بے روزگار وخت اس کہ فصل آتے 6 ملین ڈالر نا نسخان رسینگا۔ حوال اٹی موسمیاتی بدلی تا سوب آن کشت وکشار و لائیو اسٹاک ءِ ملوک آ نسخان تا پوروی کن پیرامیٹرک انشورنس نا وڑوڈول اس مون آ اتنگ نا سفارش کننگانے۔
