سپیکرراجی اسمبلی راجہ پرویز اشرف ءِگوما  ناروےءِ سفیر ءِ گند ءُ نند اسلام آباد۔3اکتوبر  (اے پی پی) سپیکر راجی اسمبلی راجہ پرویز اشرف ءِگوما پاکستان ءِتہ ناروے ءِ سفیر مسٹر پر البرٹ الاساس ءَ گندءُ نند کرتگ۔گندءُ نند ءِ تہ دونیمگی کمک ،اقتصادی سیادی ءُ ملک ءِ تہ انوگیں ھار ءِ جاورھال ءِ باروا لہتیں معاملہانی سرا چارءُ تپاس کنگ بوتگ انت۔ سپیکر ءَ گوشت کہ  پاکستان ناروے ءَ را وتی دوست ءُ اقتصادی پارٹنر سرپد کنگ انت ءُ وتی استیں دودیمی سیادی ءَ را گیش مھکم کنگ ءِ وھگدارانت۔آہاں گوشت کہ پارلیمنٹ باسکانی تجربگ ءَ چہ ودکی ءِ ھاترا پارلیمانی سفارتکاری ءِ ضلورت ءِ سرا زور دیان ءَ گوشت کہ پارلیمانی ڈل آنی مٹ ءُ سٹ چہ دوئیں ملکانی میاں کمک گیش کنگ ءَ کمکار پدر بیت۔آہاں گیش گوشت کہ پاکستان ءِ راجی اسمبلی ءَ ھار ءَ چہ اثرمندبوتگیں مردمانی کمک ھاترا روانڈا ءِ تہ بیوکیں  145می آئی پی یو کانفرنس ءِ ایجنڈہ ءِ تہ یک اناگتی ایجنڈہ ءِِ تہ ھوار کنگ صلاح پیش کرتگ انت۔ایشی ءِ مولءُ مراد پاکستان ءِ ھار آماچیں مردمانی جاور گہتر کنگ انت۔ سپیکر ءَ  کانفرنس ءِ اناگتی ایجنڈہ ءِ تہ ھار ءِ بحران ءَ را ھوار کنگ ءِ ھاترا پاکستانءِ لوٹ سرا ناروے ءَ چہ لوٹ اتگ۔ ناروے ءِ سفیر ءَ پاکستان ءِ تہ انوگیں ھار ءِ درگت ءَ باز تاوان سرا ڈکھ ءُ اپسوز ءِ درشان کتگ