اسلام آباد۔3اکتوبر (اے پی پی): راجی جان ءُ سلامتی ءِ بنجاہی وزیر عبدالقادر پٹیل ء َ گشتگ کہ جان ءُ سلامتی ء ِ و زارت ہارءِ آماچیں مردماں جانء ُ سلامتی ءِ آسراتیا ں سرکنگ ءِ ھاترءَ درائیں گامگیجاں چست کنگ ءَ اِنت۔ دوشمبے ءِ روچ وزارت ءِ نیمگ ءَ چہ جار ی بیان ءِ تہا آئی ءَ گشتگ کہ بارڈر ہیلتھ سروسز آف پاکستان ءِ ٹیم ءَ را ہار ءِ آماچیں مردماناں جانءُ سلامتی ءِ گہتریں آسراتی سرکنگءَ دادء ُ سلام پیش کناں۔ عبدالقادر پٹیل ءَ گشتگ کہ جانء ُ سلامتی ءِ وزارت ءِ چیردستیں ادارگ ڈائریکٹوریٹ آف ہیلتھ سٹیبلشمنٹ بارڈر ہیلتھ سروس آف پاکستان ءَ سیہون شریف ءِ ہارءَ چہ گیش آماچ بوتگیں میتگ ٹیلٹی ءَ آماچیں مردمانی ھاترءَ میڈیکل کیمپس جوڑ کتگ۔ سیہون شریفءِ سرجمیں میتگ ءَ ڈینگی ءِ گرءُدار کنگءِھاترءَ سپرے ہم کنگ بوتگ۔ آئیءَگشتگ کہ میڈیکل کیمپ آنی تہا ڈینگی ء ُ ملیریا ءِ کساس 1500 ءَچہ گیش نادراہ آنی سکریننگ ء ُ مفت دوا دیئگ بوتگ اَنت۔
