سکھر۔3اکتوبر (اے پی پی):سکھر ءَ ہندو براتی ءِ نیمگءَ چہ ہارءِ آماچیں مردماناں راشن دیئگ بوتگ۔ اے ہوالگءَ گوستگیں روچ شدھانی شیوامنڈل سکھر،گوشالا کمیٹی ء ُ ہندو پنچایت سکھر ءِ چیردستی ءَ ہارءِ آماچیں مردمانی ھاترءَ راشن ء ُ کمکی سامان بہرء ُبانگ کنگءِ مراگش ہندی دربارہال ءَ بوتگ۔ مراگش ءِ حاسیں مہمان شدھانی دربار ءِ نوم جوت ءِ سنت یوڈیشٹر لال سپت ادھے لال ( رائے پور ) ( رائے پور) بوتگ ، ایندگہ مہما ن آنی تہا اقلیت راہشون راج کمار عرف راجو پی پی، رنجیت کمار، موہن لال،گوبند رام ماکھیجا ءُ بنٹی جاوڑا ءَہوار ایندگہ مردم ہوار بوتگ اَنت۔ مراگش ءَ ہار ءِ آماچیں مردم ہوار بوتگ اَنت، کہ ایشانی تہا 250 ءَچہ گیش حاندان آناں راشن ءُ کمکی سامان دیئگ بوتگ۔ مراگش ءَ گوں تران کتگء ُ اودے لال ءَ گشتگ کہ مصیبت ءِ اے وہدءَ کسءَرا تنا یل ناکناں، اے کمکے نا یک کسانیں کوشست اِت، گڑ سرءَ ہار ءِ آماچیں مردماں کمک کنگءَ شکرء ُ منت گپتگ۔
