اسلام آباد۔ 03 اکتوبر (اے پی پی) بے گواہ بندغ کمیشن ءِ 11 سال اٹی 8 ہزار 869 کیس دوئی مس، 6 ہزار 648 کیس آتے سرتننگاوخت اس کہ حراستی ہند و قید آن 5 ہزار 337 بندغ تینا اُراتے پدی سرمسنو، داہیت ءِ بے گواہ بندغ کمیشن نا کنڈآن ساڑی ہی ٹی جاری کروک رپورٹ اٹی پاننگا، رپورٹ اٹی پاننگاکہ حکومت مارچ 2011 ٹی بے گواہ بندغ کمیشن اس جوڑ کرے، داوخت آ وزارت داخلہ 136 کیس کمیشن آ گدریفے، اوکان پد داوڑنا مقدمہ غاتا درج کننگ اٹ ودکی مس و تعلقدار حکومت آتا کنڈآن وقتا فوقتا بے بندغ بندغ کمیشن نا مد اٹی ودکی کرسا ہِننگا وخت اس کہ کمیشن چیئرمین جسٹس (ر) جاوید اقبال نا کماشی ٹی بے گواہ بندغ آتا پٹنگ کن مخلصانہ کوشست آتے برجا تخا، رپورٹ نا رداٹ کمیشن اٹی غٹ بے گواہ بندغ آتا کیس آتا ڈیٹا و معلومدار ی تے پورو وڑاٹ رکھ تخنگک۔ اکتوبر 2022 آ جاری کروک رپورٹ نا رداٹ بے گواہ بندغ کمیشن ءِ مارچ 2011 آن اگست 2022 اسکان 8 ہزار 869 کیس دوئی مسنے ہرافتیان 6 ہزار 648 کیس آتے سرتننگا کیس آتا سرتننگ نا دا کچ 74.94 درسد ئسک وخت اس کہ حراستی ہند و قید آن 5 ہزار 337 بندغ پدی تینا اُراتیا سرمسنو۔ بے گواہ بندغ آتیکن جوڑ قومی کمیشن ستمبر نا تُو اٹی 42 بے گواہ بندغ آتا کیس آتے سرتس۔ اوفتے ٹی 37 بے گواہ بندغ آتا پد رند ءِ خلنگا۔ کمیشن زہمی خاہوت آتا خیالداری کن سرکاری ادارہ غاتیان پنشن و پین ذریعہ اٹ مالی کمک ہم فراوان کرے، کمیشن ءِ جنوری 2022 آن اگست 2022 اسکان 526 بے گواہ بندغ آتا کیس دوئی مس ہراماہانہ 67 کیس جوڑ مریرہ ہراڑآن 2009 آن 2022 اٹی بے گواہ بندغ آتا حساب وکتاب اٹی پیدوار پرخ ءِ و داڑآن گڑاس حلقہ غاتا کنڈآن بے گواہ بندغ کمیشن آ بے گواہ بندغ آتا خاہوت آتا پت اٹی کمتی نا بابت پروپیگنڈا نا نفی مریک۔ رپورٹ اٹی پاننگاکہ بے گواہ بندغ آتا خاہوت ءِ سماعت اٹی کیس آتیا پیش رفت آن معلومدار کننگک ہراکہ اوفتا ساڑی گری ٹی ہیڈ آفس اسلام آباد، ریجنل آفس کراچی، کوئٹہ ولاہور اٹی مریک، رپورٹ اٹی پاننگاکہ کمیشن بے گواہ بندغ آتا خاہوت آتا براہ راست دفتر آتیا بننگ نا جاگہ غا ٹیل فون آ معلومداری فراوان کننگ ءِ اولیت ایتک، کمیشن بےگواہ بندغ آتا خاہوت ءِ باور کرفینے کہ وزارت داخلہ، وزارت دفاع و ایلو تعلقدار فریق آتا کمک اٹ ایلو کیس آتے ہم زوت سرتننگ نا کوشست برجاءِ۔
