کوئٹہ۔ 03 اکتوبر (اے پی پی) سلاہکار داخلہ بلوچستان میر ضیاء اللہ لانگو ضلعی انتظامیہ ءِ عید میلادالنبی آ سیکورٹی نا فول پروف بست وبند کننگ و جلوس آتا سی سی ٹی وی کیمرہ غاتا کمک اٹ چاروکی نا پارت کرینے۔ او ڈی آئی جی کوئٹہ ءِ عید میلاد النبی کن تیار کروک آ سیکورٹی پلان آ عملدرآمد ءِ پک کننگ نا پارت کرے۔ اوپارے کہ سینئر پولیس و انتظامی آفیسر آک تینٹ سیکورٹی بست وبند آتا چاروکی ءِ کیر و فیلڈ اٹی ساڑی مریر۔ اوپارے کہ جلوس آتا روٹ آتے پورو چیکنگ آن پد کلیئر کننگے و اوفتا سی سی ٹی وی کیمرہ غاتا کمک اٹ چاروکی ءِ کننگے، سلاہکار داخلہ گچین مروک نمائندہ غاتے ہم پارت کرے کہ او تینا علاقہ غاتیٹی سیکورٹی بست وبند آتا جاچ ءِ ہلیر۔
