اسلام آباد۔ 03 اکتوبر (اے پی پی) ڈائریکٹر جنرل پاکستان پوسٹ حسن اختر رانا پارینے کہ نوکاپ نا سوب آن زہمی مروک آ ڈاک خانہ غاتا بحالی کن دمدستی گام گیج کننگ انگ ءِ، پاکستان پوسٹ نا کارکڑد نا گچینی اتنگ ہم کوشست برجاءِ۔ داخیال آتا درشانی ءِ او پاکستان پوسٹ نا کارکڑد نا جاچ دیوان اٹی گپ وتران کرسا کرے۔ دیوان اٹی ایڈیشنل ڈی جی حافظ شکیل و پوسٹ ماسٹر جنرل ذوالفقار حسین ئسک بشخ ہلکر۔ داوخت آ تعلقدار پوسٹل سرکلز نا کنڈآن پاکستان پوسٹ نا کارکڑد نا بابت حوال تننگا و ساڑی آ نوکاپ اٹی ادارہ نا کسبی کارکڑد ءِ مون آ تخا۔ نوکاپ اٹی پاکستان پوسٹ انا ترسیل نا ستاءِ کرسا ڈائریکٹر جنرل پاکستان پوسٹ پارے کہ پاکستان پوسٹ نا منی آرڈر و کوریئرنا فراوانی نا ناہد ایلو سروس آتا مقابلہ ٹی بھاز کم ءِ وخت اس کہ منی آرڈر نا ترسیل گونڈ آ مد اٹی کننگک۔ اومستی پارے کہ نوکاپ نا سوب آن زہمی مروک آ ڈاک خانہ غاتا بحالی کن دمدستی گام گیج کننگ انگ ءِ۔ دیوان اٹی پاننگاکہ مچ آ ملک انا ڈاک خانہ غاتیٹی جہانی آب انا پوسٹل سروس آتا فراوانی ننا اولیت آتیٹی اوار ءِ۔ دیوان ءِ پاننگاکہ غٹ پوسٹ ماسٹر جنرل آتے پارت کننگانے کہ او زہمی ڈاک خانہ جاٹ نا بحالی کن گام گیج آتے زوت پورو کرفر ولے دا ٹی کسبی کارکڑد زہمی مف، و دا پارت آتیا عمل کننگ انگ ءِ ۔ مچ آ ملک اٹی ڈاک ، منی آرڈر نا فراوانی کن گیگ بدل بست وبند کننگانے۔
