اسلام آباد۔ 03 اکتوبر (اے پی پی) بنجائی وزیر قومی جان جوڑی عبدالقادر پٹیل پارینے کہ وزارت جان جوڑی نوکاپ زہمی تے طبی آسراتی تا فراوانی کن غٹ وسیلہ غاتے کاریم اٹ اتنگءِ۔ دوشنبے نادے آ وزارت نا کنڈآن جاری بیان اٹی اوپارے کہ بارڈر ہیلتھ سروسز آف پاکستان نا ٹیم ءِ نوکاپ زہمی تے گچین طبی آسراتی تا فراوانی کن خراج تحسین پیش کیوہ۔ عبدالقادر پٹیل پارے کہ وزارت جان جوڑی نا ماتحت ادارہ ڈائریکٹوریٹ آف ہیلتھ اسٹیبلشمنٹ بارڈر ہیلتھ سروس آف پاکستان سیہون شریف نا نوکاپ آن زیات زہمی خلق ٹیلٹی ٹی زہمی تیکن میڈیکل کیمپ خلکونے۔ سیہون شریف نا مچ آ خلق اٹی ڈینگی نا توننگ کن سپرے ہم کرفنگانے۔ اوپارے کہ میڈیکل کیمپ آتیٹی ڈینگی و ملیریا نا کم و ود 1500 آن زیات ناجوڑ آتا سکریننگ و مفت دوائی فراوان کننگا۔
