سکھر۔ 03 اکتوبر (اے پی پی) سکھر اٹی ہندو برادری نا کنڈآن نوکاپ زہمی تیٹی راشن بشخنگا۔ دارداٹ تدوک آ دے شدھانی شیوامنڈل سکھر، گوشالا کمیٹی و ہندوپنچایت سکھر نا کنڈآن نوکاپ زہمی تیکن راشن وکمکی گڑا بشخنگ نا دود اس ہندی دربار ہال اٹی اڈ ہلک۔ دود انا مہمان خاص شدھانی دربار نا نوم جوت نا سنت یوڈیشٹر لال سپت ادھے لال(رائے پور) ئسک وخت اس کہ ایلو مہمان تیٹی اقلیت راہشون راج کمار عرف راجو پی پی، رنجیت کمار، موہن لال، گوبند رام ماکھیجا و بنٹی جاوڑاتون اوار ایلو شرفمند آک اوار ئسر۔ دود اٹی نوکاپ زہمیک ہم بشخ ہلکر، ہراٹی 250 آن زیات زہمی خاہوت آتیٹی راشن بیگ و کمکی گڑا بشخنگا۔ دود آن تران کرسا اودے لال پارے کہ مصیبت نا داساہت اٹی کس اسے تنیا الیپنہ، دا امداد اس اف چنکو کوشست اسے، ایسر اٹ نوکاپ زہمی تا کنڈآن کمک کروک آتا منت واری ءِ ہرفنگا۔
