اسلام آباد۔ 03 اکتوبر (اے پی پی) وزیراعظم محمد شہباز شریف قومی ادارہ غاتا برخلاف عمران خان نا مہم نا ترندی اٹ مذمت ءِ کرسا پارینے کہ پاکستان نا قومی فائدہ غاتون گوازی کروک آتے کانود ءِ ورندی تروئی تمک، الس آن پد سازشی داسہ ادارہ غاتیٹی بے چیٹی تالان کننگ نا کوشست کننگ اٹی ءِ۔ وزیراعظم آفس نا میڈیا ونگ آن جاری بیان نا رداٹ وزیراعظم قومی ادارہ غاتا برخلاف عمران خان نا مہم نا ترندی اٹ مذمت ءِ کرینے۔ وزیراعظم پارے کہ دُزی نا وخت آ ہلنگوک آ دُز داسہ ادارہ غاتے بدنام کرسا تینا ڈوہ انا سزا غان بچنگ خواہک۔ الس آن پد سازشی داسہ ادارہ غاتیٹی بے چیٹی تالان کننگ نا سازش کننگ اٹی ءِ۔ وزیراعظم پارے کہ سفارتی سائفر اٹی ردوبدل کرسا قومی سلامتی تون گوازی کننگا، کانود تون مون تروئی تو تمک۔ پاکستان نا قومی فائدہ غاتون گوازی کروک آتے کانود ءِ ورندی تروئی تمک۔ وزیراعظم پارے کہ کانود غٹ اکن بریبر ءِ، پنی مننگ نا مطلب کانود آن ایڑتر امر مس؟ نا آڈیو لیکس پاکستان نا فائدہ غاتا برخلاف بھلو سازش اسے بے نقاب کرے۔
