اسلام آباد۔3اکتوبر (اے پی پی): ملک مستر ڈاکٹر عارف علوی ءَ انڈونیشیا ءِ فٹبال گروؤنڈ ءَ تگء ُ تاچ ءَ سرءَ کپوکائیءِ نتیجگءَ انسانی جانی نقصان آنی سرءَ اپسوزءِ درشانی کتگ کہ آئی ءِ تہا کساس 125 مردم بیران ء ُ 323 ٹپیگ بوتگ اَنت۔ ایوان صدر ءِ پریس ونگ ءَ چہ دوشمبے ءِ روچءَ جاری بیان ءِ ردءَ ملک مستر ءَ گشتگ کہ اے وئیل ءِ سرءَ باز اپسوز اِنت ء ُ گوں گمیگیں حاندان، حکومت ء ُ انڈونیشیا ءِ اُلسءَ گوں دلی ہمدردی ءِ درشان ءَ کناں۔ آئی ءَ گشتگ کہ پاکستان ءِ اُلس ء ُ حکومت اے گرانیں ساہتءَ انڈونیشیا ءِ براتانی گماں ہوار اِنت۔ آئی ءَ اللہ تعالیٰ ءَچہ بیران بوتگیں مردمانی حاندان آنی ھاترءَ سبر ء ُ ٹپیگانی ھاترءَ جانء ُ سلامتی ءِ دعا کتگ۔
