نجاہی کابینہ  ءَ  عمران خان، آئی ءِ سنگت،وزیر ءُ اعظم خان ءِ ھلاپ ءَ کانودی کارروائی ءِ منظوری داتگ اسلام آباد۔2اکتوبر  (اے پی پی):بنجاہی کابینہ  ءَ آڈیو لیکس سرا مزنیں پیسلہ کنان ءَ گوستگیں مزن وزیر عمران خان ،آئی ءِ سنگ،وزیر ءُ پیسریگیں سیکرٹری ٹو پرائم منسٹر اعظم خان ءِ ھلاپ ءَ کانودی کارروائی ءِ منظوری داتگ انت۔ کابینہ ءَ ڈپلومیٹک سائفر ءِ باروا آڈیو لیک ءِ سرا  ایف آئی اے ءِ وسیلگ ءَ پٹ ءُ پولءِ منظوری ھم داتگ۔ کابینہ ڈویژن ءِ نیمگا چہ جاڑی سرجمیں حالانی ردا بنجاہی کابینہ ءَ  30 ستمبر ءَ عمران خان ءِ سائفر ءِ باروا آڈیو لیک سرا کابینہ کمیٹی جوڈ داتگ ات ،  کابینہ کمیٹی ءَ یکم اکتوبر ءَ برجمیں دیوان ءِ تہ کانودی کارروائی ءِ سپارش کتگ ،کابینہ کمیٹی ءِ سپارش ءَ را سمری ءِ دروشم ءَ کابینہ ءِ منظوری ءِ ھاترا پیش کنگ بوتگ ات ،بنجاہی کابینہ ءَ’’سرکولیشن سمری‘‘ ءِ وسیلگ ءَ کابینہ کمیٹی ءِ سپارش ءِ منظوری داتگ۔  کابینہ کمیٹی ءَ وتی سپارش ءِ تہ گوشت کہ اے راجی سلامتی ءِ جیڈھ انت۔ایشی ءِ راجی نپ ءِ سرا سکیں اثر کپ ایت، قانونی کارروائی الم انت،ایف آئی اے ٹوھیں واکدارءَ ھوار کمیٹی ءَ جوڈ دات۔ایف آئی اے انٹیلی جنس ادارگہانی چہ ھم واکداراں چست کت کن ایت،ایف آئی اے ءِ ٹیمب جرم کنوکانی ھلاپ ءَ کارروائی ءَ کن ایت