جوانیں تامُر ئِ جوڑ کنگ ئَ چہ ناشرکاری ئِ سسا ئِ ھلاپ ئَ جوانیں دیمروئی ئُُ کمک رسیت، چاگرد ئَ چہ ناشرکاری ئِ بُن گوج کنگ ئَ تامری پڑ ئِ ضلورت اِنت، پاکستان ئِ دود ئُُ ربیدگ تامُر ئِ وسییلگ ئَ سرجمیں دگنیا ئَ زانتکار کن آں، انچیں تامُر جوڑ کنگ بہ بیت کہ آیوکیں پُشت پد یات بکن اَنت، سرجمیں دُگنیا ئِ وڑ ئَ تامُر ئِ پڑ ئَ آسراتی پُجارین آں،
حکومت تامُر انڈسٹری ئِ پڑ ئِ جیڈھ آناں گیوار کنت
کراچی ۔ 5 مئی (اے پی پی) وزیر مملکت برائے اھوالکاری ئُُ شنگ کاری مریم اورنگزیب ئَ گوشت کہ تامُر ئِ پڑ ئِ برجائی ئَ چہ ناشری ئَبُن گوج کنگ ئَ مزنیں کمک ئِ رسیت ، آئی ئَ گوشت کہ چاگرد ئَ چہ ناشرکاری ئِ ھلاسی ئِ ھاترا تامُر ئِ پڑ وھد ئُُ پاس ئِ ٹوھیں ضلورت اِت، پاکستان ئِ دود ئُُ ربیدگ ئُُ مڈی تامُر ئِ وسیلگ ئَ سُہرا کن آں، انچیں تامُر جوڑ کنگ بہ بیت کہ آیوکیں پد ریچ یات بکن اَنت، دُگنیا ئِ رنگ ئَ ما وتی تامُری پڑ ئَ آسراتی پُجارین آں۔ل پاکستان ئَ را بازیں نمونگ ئِ میاں اوستمانی چیلنج ئَ گوں دیم پہ دیمی اِنت، وتی لیکہ آناں تل پچ کنگ ئِ ھاترا جوانیں تامُری پڑ ئِ ضلورت اِنت۔ تامُری پڑ ئِ جیڈھ آنی گیواری المی اِنت ۔ اے گپ آئی ئَ آدینگ ئِ روچ ئَ گورنر گس ئَ تامر ، پروڈکشن ئُُ براڈ کاسٹنگ پالیشی 2017ئِ رد ئَ شور بندی دیوان ئِ بنگیجی مراگش ئَ تران کنان ئَ کُت اَنت۔ اے موہ ئِ سر ئ۔ وزیر ئِ مملکت مریم اورنگزیب ئَ ناشرکاری ئِ ھلاپ ئَ جنگ ئَ پاک اُرد ئُُ اُلس ئِ کرد ئَ ساڑاھان کُت اَنت آئی ئَ گوشت کہ پاک اُرد ئُُ اُلس ئِ داتگیں مزنیں کربانی اَست اِنت۔ آئی ئَ گوشت کہ اے کربانی آناں تامُر ئِ وسیلگ ئَ پیش دارگ پکار اِنت۔ آئی ئَ گوشت کہ میاں اوستمانی رد ئَ دُگنیا ئِ دیم ئَ جوانیں آسر ئِ دیم ئَ پیش بیت۔ آئی ئَ گوشت کہ اے یک تہلیں راستی ات کہ گوستگیں بازیں سال آں چاگرد ئِ تہ ئَ سِل کاری ئُُ ناشرکاری ئِ ڈبہ بالا اِنت ئُُ اے وھد ئِ لوٹ انت کہ اے دلگوشی ئَ را مٹ کنگ بہ بیت۔ مریم اورنگزیب ئَ گوشت کہ مزن وزیر محمد نواز شریف ئِ وژن ئِ رد ئَ وزارت ئِ اھوالکاری پاکستان ئَ تامر انڈسٹری ئِ برجائی ئِ ھاترا گامگیج چست کنگ بوھگ ئَ اِنت۔ آئی ئَ گوشت کہ انڈسٹری ئِ توامیں مردم اِزمکاراں ھوار، تامر ساچ، پرڈیوسر، سوجکار ، ٹیکنیشنز آناں بروبریں ھک ئُُ موہ پُجارینگ بیت تانکہ تامر ی پڑ دیمروئی بکنت۔ آئی ءَ گوشت کہ حکومت انڈسٹری وتی پالیشی آناں سر ئَ سر بار نہ کنت بلکینگ ئَ پرائیوٹ اسٹیک ھوڈر ئِ شور ئُُ سلاھ ھوار کنگ بنت ئُُ ایشی ئَ چہ آوانی دلبڈی بیت۔ مریم اورنگزیب ئَ چین ، ایران، بنگلہ دیش ئُُ ایندگہ ملک آنی تامر انڈسٹری ئِ دیمروئی ئِ ھوالگ دیان ئَ گوشت کہ اِے ملک آنی تہ ئَ تامر انڈسٹری ئَ را حکومتی سروکی گون اِنت۔ اے پیم ئَ سرجمیں دگنیا ئِ دیم ئَ جوانیں رنگے ئَ پیش بوھگ ئَ اَنت۔ آئی ئَ گوشت کہ 60ئِ زمانگ ئَ پاکستان ئِ ھساب باز تامر جوڑ کنوکیں ملک آنی لڑ ئَ بوتگ ئُُ آ پاکستان تامر انڈسٹی ئِ یک جوانیں زمانگ ئِ بوتگ۔ مریم اورنگزین ئَ گوشت کہ حکومت نا ایوک ئَ ملک ئَ استیں ٹیلنٹ ئِ آسراتی ُجارینگ ئِ جزم ئَ اِنت بلکینگ ئَ لوٹ ایت کہ انڈسٹری ئَ نوکیں ٹیلنٹ آنی دلبڈی ھم بہ بیت۔ آئی ئَ گوشت کہ ملک ئَ چہ ناشرکاری ئِ ھلاسی ئِ ھاترا پاک اُرد ئُُ اُلس ئَ ٹوھیں ٹوھیں کربانی ھم داتگ ئُُ تامُر انڈسٹری ئِ برجائی ئَ چہ ناشرکاری ئِ سسا ئِ ھلاپ ئَ جوانیں دیمروئی ئُُ کمک رسیت۔ آئی ئَ گوشت کہ وطن دوسیں تامُر انڈسٹری ارزشتی ایں کرد ئِ پیلو کُت کنت۔ وزیر ئِ مملکت ئَ گوشت کہ ما پاکستان ٹیلی ویژن ئِ نیمگ ئَ زھگ آنی واستہ چینل ئِ جوڑ کنگ ئَ آں۔ آئی ئَ گوشت کہ اِدا آیگ ئِ مول ئُُ مراد اسٹیک ھولڈر آں گوں شور ئُُ سلاھ زورگ ئُُ پالیشی جوڑ کنگ اِنت۔
