اسلام آباد۔30ستمبر (اے پی پی): مزن وزیر ءِ اسٹریٹجک ریفارمز یونٹ ءَ انسانی حکانی وزارت ءِ کمک ءَ چہ ٹرانس جینڈر آنی ھاترءَ شکایت درج کنگءِ بنجاہی مینجمنٹ سسٹم جوڑ کتگ۔ مزن وزیر کارگس ءِ میڈیا ونگ ءَ چہ جاری بیان ءِ ردءَ اے نظام ٹرانس جینڈر آنی ھاترءَ شکایت درج کنگ ءِ بنجاہی منیجمنٹ سسٹم جوڑ کتگ۔ مزن وزیر کارگس ء میڈیا ونگ ءَ چہ جاری بیان ءِ ردءَ اے نظام ٹرانس جینڈر شہری آناں آسراتی ءِ سر کنگ ءِ ہوالگءَ مزن وزیر ءِ انیشی ایٹو ءِ ردءَ دیما آرگ بوتگ۔ اے کمیونٹی پاکستان ءِ درستاں چہ گیش پدمنتگی کمیونٹی آں چہ یک اِت، کہ آیاناں آیانی جندءِ حانداناں یل کتگ۔ آیاناں جسمانی ء ُ ذہنی تکلیف ءِ دیمپانی کنگ بیت۔ آیاناں سوشل میڈیا ءَ مدام بے شرپ کنگ ء ُ ن بیم ءِ آماچ کنگ بیت، آیانی سرءَ اُرش کنگ بیت ء ُ پولیس ءَ را حال کم رسیت۔ گوستگیں پنچ ماہ آں ٹرانس جینڈرءِ کوشانی تہا گیش بوتگ۔ حاسیں جیڑہ اِیش اِنت کہ آیانی گورءَ اے وڑیں حاندان نیست کہ آیاناں وتی بہ کنت۔ اے نظام انسانی حکانی بنجاہی وزارت ء ُ ہمگرنچیں اے آئی جی کارگس ءَ را سرجمیں ملک ءِ ٹرانس جینڈر آنی جستء ُ شکایت ءِ زوت گیشءُ گیوار ء ُ پسو ءِ قابل جوڑ کنت۔ ٹرانس جینڈر کمپلینٹ مینجمنٹ پورٹل web.citizenportal.gov.pk ءِ سرءَ لائیو اِنت کہ اِدءَ ٹرانس جینڈر شہری کجام ہم جیڑہ ءِ بابت ءَ تچک ءَ تچک وتی شکایت درج کُت کنت۔ ء ُ شکایت ءِ درج کنگءِ ھاترءَ 1099ءِ سرءَ کال ہم کُت کناں۔ ہمگرنچیں اے آئی جی کارگس ءِ وسیلگءَ شکایت ءِ سرءَ 24 کلاکانی تہا کاروائی کنگ بیت ء ُ جیڑہ گیشء ُ گیوار کنگ بیت۔ انسانی حکانی بنجاہی وزیر میاں ریاض حسین پیرزادہ ءَ جمعہ ءِ روچءَ خواجہ سرآنی شکایت ءِ درج کنگءِ نظام ءَ را بُنگیج کتگء ُ گشتگ کہ مئے دلگوشی ازمت کنگ ءِ سرءَ اِنت ء ُ پیسرگءَ چہ استیں نظام ءَ را گہتر کنگ اِنت کہ آئی ءِ تہا ٹریکنگ، درجہ بندی ، سرپانکی ءُ رسپانس ءِھاترءَ جوانیں میکانزم ءِ جوڑکنگ ہوار اِنت۔ مزن وزیر ءِ اسٹریٹجک ریفارمز ءِ سروک سلمان صوفی ءَ بنگیجی مراگش ءَ گوں تران کتگء ُ گشتگ کہ مزن وزیر اقلیت ء ُ چاگردءِ نیزوریں تبک ءَ را اآسراتی دیئگ ءَ باز ھدوک اِنت ء ُاے گامگیج خواجہ سراآناں آسراتی دنت ء ُ بیم ، لٹء ُ کٹ ءُ ایندگہ جیڑہ آناں داریت۔ اگاں اے شکایت ریزولیوشن ٹائم فریم ءِ تہا گیشء ُگیوار نابوتگ گڑا نظام ءِ تہا استیں یک فیچر شکایت تچک ءَ تچک مزن وزیرءِ اسٹریٹجک ریفارمز ء ُ ہمگرنچیں آئی جی کارگس ءَ سربیت۔ سیکریٹری وزارت انسانی حقوق افضل لطیف ءَ وتی تران ءِ تہا گشتگ کہ مئے آئین اے گپ ءِ سرء زور پِر دنت کہ درائیں شہری آنی گومایک وڑیں سلوک کنگ بہ بیت۔ آئی ءَ گشتگ کہ کمپلینٹ مینجمنٹ سسٹم راستیں نیمگ ءَ رہادگ بوہگءِ یک گامگیج اِت۔ خواجہ سرا برادری ءِ حاسیں راہشون نایاب علی ءَ تران کتگ ء ُ گشتگ کہ ہیلپ لائن ءِ جوڑ کنگءَ ما مزن وزیر محمد شہبا ز شریف ، سلمان صوفی ء ُ انسانی حکانی وزارتءِ شکرء ُ منت ءَ گراں۔ آئیءَ گشتگ کہ آئین پاکستان ءَ خواجہ سرا آناں درائیں حک داتگ اَنت۔ بدبھتی ءَ چہ ہر پڑءَ اے کمیونٹی جیڑہء ُ جنجالانی آماچ اِنت۔ ہر روچ اے جنگ ء ُ کوشگ ء ُ بے پردگ کنگ بنت بلے ایچ وڑیں پلیٹ فارم نابوتگ کہ ما وتی شکایت درج بہ کتیں ۔ اے ہیلپ لائن ءِ جوڑ بوہگءَ چہ مارا یک جوانیں فورمے رستگ کہ ما ہم وتی شکایت درج کُت کناں۔ اے باز جوانیں پلیٹ فارم اِت۔ ایشی ءَ مارا باز پائدگ رسیت۔ آئی ءَ گشتگ کہ اے گامگیج ءَ چہ وتی درائیں برادری ءِ نیمگءَ چہ مزن وزیر ، سلمان صوفی ءُ انسانی حکانی وزارت ءِ سیکرٹری ءِ شکرء ُ منت ءَ گراں۔
