پاکستانی اُلس ءُ حکومت  گرانیں وہدءَ سعودی کمک ءَ را دل ءِ  جہلانک ءَ  ساڑاہیت، ملک مستر ڈاکٹر عارف  علوی ءِ  سعودی سفیر ءَ گوں گندء ُنندءِ تہا گپ ءُتران

اسلام آباد۔30ستمبر  (اے پی پی): ملک مستر ڈاکٹر عارف علویءَ ہارءِ آماچیں  مردمانی کمک  کنگءَ سعودی عرب ءِ شکرء ُمنت گپتگ ء ُگشتگ کہ پاکستانی  اُلس ءُ حکومت ہارءِ وڑیں گرانیں وہد ءَ سعودی عرب ءِ نیمگءَ چہ  سرکتگیں کمک ءَ را دل ءِ  جہلانک ءَ ساڑائیت،  ہار ءَ چہ   معشیت ءَ را کم ءُ گیش کساس 30 ارب ڈالرءِ  نقصان بوتگ،   پاکستان ء ُسعودی   عرب ءِ نیامءَ 4.6 ارب ڈالر ءِ استیں دو نیمگی بیپاری حجم ء را گیش کنگءِ ضلورت اِنت۔  اے ھیالانی درشانی آئی ءَ جمعہ ءِ روچءَ  پاکستان ءَ سعودی  عرب ءِ سفیر نواف بن سعید احمد المالکی   ءَ گوں  گندءُنندءِ تہا گپ ءُ تران  کنان ءَ کتگ۔  ملک  مستر ءَ گشتگ کہ پاکستان ء ُ سعودی عرب ءِ نیام ءَ دیریگیں براتیں سیادی اَنت، پاک سعودی سیادی یک وڑیں  مذہب، ء ُ دود ء ُ ربیدگءَ گوں بندوک اَنت۔ ملک مسترءَ ہارءِ آماچیں مردماناں کمک سرکنگ ءِ ھاترءَ  بالی پُل   دیئگ ءَ سعودی  عرب ءِ کمک ءِ ہم توسیپ کتگ۔ آئی ءَ گشتگ  کہ  ہار ءَ سرجمیں  پاکستان ءَ 33 ملین ءَ چہ گیش مردماناں آماچ  کتگ، ہارءِ تہا 1500 ءَچہ گیش مردم بیران ء ُ 10 لکھ ءَ چہ گیش دلوتاں نقصان رستگ، ہار ءَ چہ معیشت ءَ را 30 ارب ڈالرءِ نقصان بوتگ۔ ملک مسترءَ اسلامی کمک تنظیم ءِ تہا فلسطین، کشمیر ء ُ ا  وگانستان ء ِ جیڑہ آناں پدر کنگءَ سعودی عرب ءِ کرد ءَ را ساڑاتگ۔  ملک مستر ءَ مقبوضہ جموں کشمیر ءَ انسانی حقانی حلاپ ورزی ءِ سرءَ  چمشانک داتگ۔ ملک مسترءَ   اُمیت درشان کتگ کہ میاں اوستمانی براتی مقبوضہ جموں ء ُ  کشمیر ءَ انسانی حکانی حلاپ ورزی ءَ را دارگ، اقوام متحدہ ءِ تپا ک  نامہ آنی ردءَ  جیڑہءَ را گوں امنء ُ ایمنی ء َ گیشء ُ گیوار کنگءَ وتی کرد ءَ  پیلو کنت۔