اسلام آباد۔30ستمبر (اے پی پی): مزن وزیر محمد شہبا ز شریف ءَ ا وگان بنجاہی حکومت کابل ءَ وانگ ءُ زانگی بُنجاہ ءَ وت کُش اُرش ءَ جانی نقصان آنی سرءَ گم ء ُ رنجءِ درشانی کتگء ُ گشتگ کہ اے زُلمء ُ ناحقی لبزانی تہا بیان کنگ نابیت، ناشرکاری ءِ مٹ بوتگیں ھترہ ءِ حلاپ ءَ میاں اوستمانی کمک ءَ را ترندء ُ محکم کنگءِ ضلورت اِنت۔ جمعہ ءِ روچءَ وتی ٹویٹءِتہا مزن وزیر ءَ کابل ءِ تہا وانگء ُ زانگی بُنجاہ ءَ وت کُش اُرشءِ تہا جانی نقصان آنی سرءَ گمء ُ رنج ءِ درشانی کتگء ُ گمگیں ھاندان ء ُ اوگان اُلس ءَ گوں دلی ہمدردی ءِ درشانی کتگ۔ مزن وزیر ءَ گشتگ کہ انچو کہ آئی ءَ اقوام متحدہ ءِ جنرل اسمبلی ءِ تہا وتی تران ءِ تہا ہم گشتگ کہ ناشرکار ی اوگانستان ءُ پاکستان ء ُ سرجمیں دنیاءِ ھاترءَ ھترہ اِت۔ ناشرکاری ءِ ھترہ ءِ حلاپ ءَ میاں اوستمانی کمک ءَ را ترندء ُ محکم کنگ وہدءِ حاسیں ضلورت اِت۔
