یوکوہاما۔05مئی (اے پی پی ) ھزانگئِ بنجاھی وزیر سینیٹر اسحاق ڈار ئَ گشتگ کہ جرمنی یورپی یونین ئَ پاکستان ئِ درساں چہ مستریں بیپاری شریدار اَنت، جرمنیئَ را پاکستانئِ تہا زرکاری کنگئِ پاھدگ چست کنگ لوٹ ایت۔ آ جاپان ئِ شہر یوکاہاما ئَ یک جرمن ڈل ئَ گوں گندءُ نندئِ تہا گپءُ تران کنگئَ بوتگ۔ جرمن ڈل ئِ سروکیئَ پارلیمانی سیکرٹری ہانس جوہن فیوچٹل کنگئَ بوتگ۔ اے موھئَ آئی ئَ جرمنیئِ نیمگئَ چہ پاکستانئِ گوما بازیں پڑھاس توانائی، جانءُ سلامتی ، وانگءُ زانگ، گورننس ، پائیداریں دیمروئی ءُ مائیکروفنانس ئَ یکوئی ءَ کمکئَ را ساڑاتگ۔ بنجاھی وزیر ئَ گشتگ کہ دوھیں ملک آنی درنیامئَ انوں زوتاں اسلام آبادئَ بوھوکیں سولءُ تران ئِ تہا کمک ئِ نوکیں کشک درگیجگ بوھگئَ اَنت۔جرمنی پاکستانئَ گیش زرکاری کنگئِ موھئِ واھشت مند اِنت۔
