اسلام آباد۔30ستمبر (اے پی پی): حال ء ُ اھیوال کاری ءُ شنگکاری ءِ بنجاہی وزیر مریم اورنگزیب ءَ گشتگ کہ حکومت میڈیا ءِ آجوہی ءِ سرءَ یقین کنت، پیسرگیں دور پہ میڈیا ءِ ھاترءَ سیاہ تریں دور بوتگ، گوستگیں دور ءَ میڈیا ءِ سرءَ بندش جنگ بوتگ، صحافی آنی کلم پروشگ بوتگ اَنت،آیانی مراگش بند کنگ بوتگ اَنت، مری ءِ سیاسی ء ُ صحافتی ارزشت ء ُ صحافی آنی جیڑہ ء ُ جنجالاناں گیش ء ُ گیوار کنگ ء ُ صحافی آناں آسراتی سرکنگ ءِ ھاترءَ حکومت گامگیج چست کنت۔ اے گپ آئی ءَ جمعہ ءِ روچءَ گندء ُنندءِ ھاترءَ اتکگیں مری پریس کلب ءِ صدر سدھیر احمد عباسی ءِ سروکی ءَ مری پریس کلب ءِ ڈل ءَ گوں گپء ُتران کنانءَ کتگ۔ گندء ُ نندءِ تہا مری ءِ سئیل ء ُ سوادی ارزشت، مری پریس کلب ء ُ صحافی آنی جیڑہ ء ُجنجالاں ہوار ایندگہ کارانی سرءَ ھیالء ُ لیکہءِ درشانی کنگ بوتگ۔ آئی ءَ گشتگ کہ مری پریس کلب ءِ ایکریڈیٹیشن ءِ سرءَ زوت کار بندات کنگ بیت۔ آئی ءَ گشتگ کہ مری ءِ سیاسی ء ُ صحافتی ارزشت ء ُ صحافی آنی جیڑہ ء ُ جنجالاناں گیش ء ُ گیوار کنگ ءِ ھاترءَ حکومت مری ءِ صحافی آناں آسر اتی دیئگءِ ھاترءَ حاسیں گامگیج چست کنت۔ اے موہءَ گپ ء ُتران کنان ءَ مری پریس کلب ءِ ڈلءَ گشتگ کہ مری ءَ سئے ہزارءَ چہ گیش تاجر اَست کہ آیاں دائمءَ مسلم لیگ(ن) ءِ حکومت ءَ بیپارءِ موہ داتگ، مسلم لیگ(ن) ءِ ہر وہدءَ کہ حکومت بوتگ آئی ءَ مری ءِ تہا سئیل ء ُ سواد ءَ راگیش کنگ ءِ ھاترءَ عملی گامگیج چست کتگ۔ مری پریس کلب ءِ ڈل ءَ حال ء ُ اھیوال کاریءِ بنجاہی وزیر مریم اورنگزیب ءِ مری پریس کلب ءِ جیڑہء ُ جنجال گوشدارگ ءُ آیاناں گیش ءُ گیوار کنگ ءِ او ست ءِ دیئگ ءِ شکرء ُ منت گپتگ۔
